ھەمی تشت بەلاشن بەس ریکلامێ بۆ من بکە؟!!

2 مانگ پێش ئێستا

ذيكرا داود
مودێل ستایل و سناپ چاتەر، گەلەک یێن مشە بوین.ژیانا وان یا مایە لسەر ریکلاما و خارن و ڤەخارن بەلاشن، جلک و ترومبێل و ناڤ مالی ھەمی بەرامبەر ریکلاما. کچ و کور گەلەک یێن فێربوینە ڤی جورێ برێڤەبرنا ژیانێ و وەسا باوەریێ بۆ خەلکی چێدکەن، ئەگەر ئەو تشتە یێ باش ژی نەبیت و نە لاو ژی بیت، برێکا ڤیدیویا دێ بەرەڤە چن و کرن، ڤێجا چ کەرەستێن جوانیێ بن یان یێن خارنێ بن.
یا لبەر مە بەرزە بوی بچینە کیژ دەرمانخانێ یان خارنگەھێ یان قوتابخانێن نێڤ دەولەتی یان کیژ جورێ برنجی بخوین یان تەماشەی کیژ فلم و درامایێ بکەین.مودێل ستایلێن مە شاش د کارێ خو گەھشتینە، ریکلامێ بۆ ھەر تشتی دکەن ژبۆ ھندێ ببنە خودان پارە.

 ب دیتنا من، ئەگەر ھەر تشت یێ باش بوو لدەمێ ئەز دکرم دێ زانم، ئێدی دێ ھەر وی کرم و ھندەک تشت یێ ھەی پێدڤی ب ریکلاما نینە، گەلەک خالێن نیگەتیڤ یێن ھەین، خەلکەکێ ھەژار یێ ھەی ھەتا نانێ رۆژانە پەیدا دکەت، دلێ وی د ئێشینن شنی ئەڤ خودانێن ریکلاما ھەر و ریکلاما تشتەکی دکەن، ئەرێ ئەو ژ کیڤە بینیت ھەتا ب کریت؟!

ھەر ئێکێ بڤێت تشتێ خو پێش بێخیت، ھەر چ بیت ب دیتنا من پێشکێشی ھەژارەکی بکەت ل شوینا بدەتە خودانێت ریکلاما دێ باشتر بیت، بەس لڤی باژێری ژبلی چاڤلێکرنێ ئەم چدی نزانین، ریکلاما چ ھاتە کرن پێدڤیە مە ھەمیا ھەبیت و تێست بکەین، چاڤێ مە ھەمی دەما یێ لێ کا دێ کی ریکلامەکێ کەت دا دیڤ بچین .

کەس ئێدی شولێ خو ناکەت ب دروستی، ھونەرمەند، ماموستا، سترانبێژ، چالاکڤان، بێژەر و پەیامنێر ئێدی ئەکاونتێن خو کرینە یێن ریکلاما، رۆژ بۆ رۆژ ھەر تشتێ بێ مفا یێ دھێتە ڤی باژێری دا، ئەم ھەمی ژی وەکی کەرێ پەزی لدیڤ دچین، بێی ئێک ژمە رێکێ لێ بگریت..