ڤەکڕنا ژمارەیا بانکی بۆ فەرمانبەر و هاوەلاتیان

2 مانگ پێش ئێستا

جەگەر محەمەد رێكانی
ل ناڤەراستا هەیڤا سێ، حکومەتا هەرێمێ وەکو بەشەک ژ یاسایا چاکسازیێ دێ دەست ب ڤەکڕنا ژمارەیا بانکی کەت، بۆ سەر جەم فەرمانبەر و هاوەلاتیان. چەند سەرنج و زانیاریەك:

سیستەمێ بانکی:
بانک و سیستەمێ بانکی شەنگستەیێ ئابوورا ب هێز و سەردەمە، سەرچاوێ پارەداکڕنا کەس و کومپانیانە.

مفایێن ڤەکڕنا ژمارەیا بانکی، بۆ خەلکی:
ـ پاراستنا پارەیێن خەلکی ژ دزین و سوتن و بویەرێن دی.
ـ ئاسانکڕنا بازرگانیا هاوەلاتیان، ل هەر جهێ تەبڤێت ل نیزیکترین بانک دشێن پارەیان وەرگرن یان ب دانن ل بانکێ.
ـ راکێشانا برە پارەیا پێتڤی، و رێکخستنا ژمێریاریا کەسی و خێزانی.

 ب مفایێن ڤەکڕنا ژمارەیا بانکی، بۆ حکومەتێ:
ـ رێکخستن و مەرکەزیەتکڕنا ژمێریاریا گشتی.
ـ درێژ بوونا ژیێ سیولەیا بانکی.
ـ ئاسنکڕن و ئەکتیف بوونا ئالاڤێن سیاسەتا نەختینەی.

هوکارێن سەرکەفتنا پروژەیی: باوەریی بوون:
باوەریی بوون شاهستینا سیستەمێ بانکیە، پشتی قیرانا دارایی و دەست بڕن بۆ سیولەیا بانکی، باوەریا سەرمایەدار و بەلێندەران ب سیستەمێ بانکی نەما، جونکە نەشیان پارەیێن خو ل دەمێ پێتڤیبوونێ ژ بەنکان راکێشن، دڤێت دوبارە سیستەمێ بانکی باوەریا خەلکی ئاڤابکەتەڤە، ب رێکا چەندین یاسایان ژ وانا دەست نەبڕن بۆ سیولەیا بانکی، دانا رێژەیەکێ ژ سەرجەمێ پاشکەفتا ل هەر بانکەکێ ل بانکەکەکا دایک (ناڤەندی).

هوشیار بوون و روشەنبیریا بانکی:
ڤەکڕنا  خول و سیمناران و ژ بۆ کارمەندێن بانکان، چاوانیا سەردەریێ ل گەل هاوەڵاتیان ژلایەکێ و چاوانیا سەردەریێ دگەل سیستەمێ نوی ژلایەکێ دیڤە، هەروەسا روشەنبیرکڕنا خەلکی ب شێوەیەکێ گشتی، داکو گرنگی و رولێ بەنکێ بزانن ل ئابوورا وەلاتی دا، و هەروەسا چاوانیا سەردەریکڕنێ دگەل بەنکان ژلایەکێ دیڤە، بەشەکا ڤێ ژی دمینیت ل سەر دەزگەهێن راگەهاندنێ.

دەزگایێ راکێشانا ئەلکترونی:
 راکێشان و دانانا پارەیان دێ ب رێکا دەزگەهیێن تایبەت بن، کو دێ هێنە دانا ل جهێن تایبەت، ل چ دەم و جهێ تەبڤێت، تو دشێی پارەیان ب دانیە سەر ژمارەیا خو یان ڤەگوهێسی بۆ ژمارەیەکا دی، یان پارەیان راکێشی ژ ژمارەیا خو ب گوێرەی پێتڤی و حەزا تە.