ھەلسەنگاندنا كومەلایەتی

1 مانگ پێش ئێستا

جەگەر سەبری
ھەلسەنگاندنا ئاستی بۆ ھەر كەسێ حەزا گەھشتنا تشتەكی ھەبیت یا گرنگە، ژبەركو پلانێن تە یێن كاری و بەرنامێ تە و نەخشەكرنا رێكا تە دێ ل وێرێ دەست پێكەن و ل سەر وان دێ پلان و چاڤروونیا بەرنامێ خوە دانین.
ئاریشا من یا كەسایەتی دگەل ئەزموونا ئەوە، من گومان د شیانێن واندا یا ھەی، كو ئەنجامەكێ راست و دروست بدەنە مرۆڤی و ئاریشە نە دپرسیارا یان د ئەزومونێ بتنێدا هەیە، بەلێ یا لدەف وی كەسی ئەوێ مایێ خوە د ئەزموونێ دا دكەت و رێڤەدبەت، د شیان و شروڤەكرنا وی بۆ وان ئەنجامان و لدووماھیێ یا د باوەریا وێ بەرسڤێ دا ھەی، ئەوا ژ دەف راھێنەر یان ژ ئەزمونەكەری دەردكەڤت و ئەڤ تشتە مرۆڤ نەشێت برێكا پرسیارێت گشتی یێن نڤیسی باوەریێ پێ بینیت.

بیرامن دهێت ل سالا(٢٠١٠)ێ، ئئک ژ رێکخراوێن جیهانی ڤەکولینەکا مەزنکر، ل سەر بۆ پیڤانا ئاستێ خوشبەختیێ ل دەف گەلێن جیهانێ، ئەنجام ژی ئەو بوون گە لێ مصری ل رێزا ئێکێ هاتن ژ لایئ رازیبوون و کەیفخوشیێ ڤە، دڤی تشتیدا ل بەری خەلکێ ئەوروپا و ئەمریکا و هەمی وەلاتان هاتن.

ئەرێ ب دروستی ئەو راستیەکا ژیواریە؟
ب لێ زڤرینا ل راپرسیێ، دیاربوو کو ل دەف مصریا (رازیبوونا خودێ  و رازیبوونا ژ بارودوخا) تێکهەل دبن. بۆ نمونە ئاخفتنەکا وەکی (الحمدللە)، دمینتە ب ئەزمانی ڤە ئەگەر خو دل وێ نە بێژیت ژی!! و ئاها ئەو ئەو پەیڤ بۆ یا کو بەهرا پتریا بەشداربوویێن راپرسیێ ل مصرێ ل سەر بەهرا پتریا پرسیارا بەرسڤ پێ دای و ئەو وەسا هاتبوو وەرگێران، کو رامانا وێ رازیبوون و کەیفخوشیە  و رازیبوونا تمامە ب بارودوخێت نوکە یێت بەردەوام. و پێتڤی نینە بهێتە گوتن کو ئەو راپورت بۆ بەرژەوەندیا سیاسی هاتە بکارئینان بۆ دوپاتکرنا رازیبوونا خەلکی ژ سەروکێ وان و حکومەتا وان، وێ خوشیا مشە یا ژوان دگەهیتە خەلکی !

دئ زڤرینە زیرەکیا کومەلایەتی و دەلیڤێ بدە من ئەز رێکەکێ نیشا تە بدەم، ئەوا ئەز هیڤی دکەم ب رێکا وێ هزر بکەین و پێکولا بکەین بگەهینە پلەیەکا نێزیکی ئاستێ خو یێ درست و دێ ئەو تشتێ ئەم پێدڤی بۆ دیاردبیت (نموذج الذكاء الاجتماعي).
هزرا وێ رێكێ یان وێ ئەزموونێ (ئەگەر گوتنا وێ هوسا دروست بیت)، دەرێخستن و دیارکرنا بەرێخودانا تەیە بەرامبەر تە بخو (ئانکو کا تو چەوا خو دبینی) هەڤبەرکرن دگەل بەرێخودانێن کەسێن دی، پێکولەکە بۆ دروستکرنا هەڤبەرکرنەکێ، کارێ وێ روهنکرن و دیارکرنا وان لایا یێت کێماسی تێدا، دوپاتکرنا خالێت ھێزێ بیت.