فەیسبۆک ژبۆ خزمەتێ و مەفاداریێ دروستبوویە

1 مانگ پێش ئێستا

ئلیاس نعمۆ خەتاری
ھەلبەت وەکو ئەم ھەموو دزانین، ھەر ئامیرەک یان ھەر پێنگاڤەک دبوارێ پێشکەفتنا زانستی و سەردەمێ پێشڤەبرنا جیھانێ ھاتبتە دروست کرن، ژبۆ خزمەتا مرۆڤان یا ھاتیە دروستکرن نەبەروڤاژی بۆ شکاند و تەعدە و ئێشاندنا مرۆڤان دروست بویە، لەوما فەیسبۆک ئێکە ژوان دەستکەفتیێن پێشکەفتی کەتیە بەردەستێ خەلکێ جیھانێ.

ل ھێرە قەد باوەرنەکە ئێک خۆ ب ئێکی بدەت یان ئێک بێژتە ئێکی توو ژمن خۆش زەلامتری، ھەر کەسەک کەساتیا خۆ خۆشتر ژ یا کەسێن دی دڤێت، ھەر کەسەک حزبا خۆ خۆشتر ژ حزبێن دی دڤێت و ھەر وەسا د ھەموو بوارێن دیدا چی خزمەت بیت و چی ئاین بت و چی مەزھب بت و رەوشەنبیری و کومەلایەتی بت ھەتا دگەھینە بارێ مەدح و سەنا و خۆش زەلامینیێ و ئاغاتیێ و عاشیرەتێ، کەس خۆ بکەسی نادەت.

یا دروست ئەوە ئەم ھەموو باش بزانین ئەم چێکریێت خودێ مەزنین و ئەم ھەموو مرۆڤین و دێ مرین، لێ ھەوجە ناکەت ڤان لایڤا ڤەدکەن و ڤان کۆمێنتا دنڤیسن ھەر ئێک دێ ئێت بەحسێ مێژوو و عەسل و فەسل و ھندەک تشتێن کوور و دوور بەحسکەت.
بخودێ نۆت و نەھ ژ سەدێ کەس ژ دایک بونا بابێ خۆ و بابیرێ خۆ یا دروست نزانن، لێ نا بێژم یاخۆ نزانن! دێ ڤیجا بلا ئەم رێزێ ل ئێک و دوو باش بگرین و ئەم ئیک و دوو قەبولکەین داکو مەفایێ ژێک وەربگرین، نەکو خۆ بکەینە فەیلسوف ئێت ھەموو تشتان، کومینتێن جوان دجوانن، لایڤێن مەفادار ئێت دیارن، رەخنە و رەخنە لخۆ گرتن بلا ھەبت، فەیسبۆک یێ ھاتیە چێکرن داکو مەفایێ ژێ وەرگرین ب رێکا وی و کاربکەین ب رێکا وی و پەیوەندی و دان و ستاندن بێتەکرن ژبۆ خزمەتا گشتی .