جڤاك حكومه‌تان ئاڤادكه‌ت!!

1 مانگ پێش ئێستا

سیروان عەلی
پشتی جه‌نگا جیهانییا دووێ و شكه‌ستا مه‌زنا ئه‌لمانیا، هێدی هێدی خه‌لكێ ئه‌لمان ژبن كاڤلێن خوه‌ ده‌ركه‌تن و دبن سیبه‌را ده‌گیركه‌رێن (ئه‌مریكا, ئێكه‌تیا سوڤیه‌تی, فره‌نسا و بريطانيا) سرا ژبۆ پرته‌ك نان و پتاته‌كێ گرتن، لوی ده‌می زه‌لامه‌كێ برسی خوه‌ دبه‌ر سرایێ ره‌ كر و ڤیا بچته‌ ده‌ستپێكێ، لێ ژنەكا‌ دانعه‌مر گۆتێ سرایئ بگره،‌ راسته‌ مه‌ جه‌نگ ژده‌ست دا، لێ مه‌ ئه‌خلاق و ره‌وشه‌نبیریا خوه‌ ژ ده‌ست نه‌دایه‌.

ئه‌ڤه ‌بوو ئه‌و ره‌وشه‌نبیریا ئه‌لمانیا ژ وه‌لاته‌كێ وێران و داگیركری كرییه‌ وه‌لاته‌ك ل رێزێن ده‌ستپێكێ دهێت بۆ ئابوری و دیموكراسیێ و بۆ ماله‌ك ژ هه‌موو جیهانێ قه‌ست بكه‌نێ.
لڤێره‌ بۆ مه‌ دیاردبت، جڤاكه‌ وه‌لاتان ئاڤا دكه‌‌ت و جڤاكێ ساخله‌م حكومه‌ته‌كا ساخله‌م ئاڤا دكه‌ت, ئه‌گه‌ر ئه‌ز وه‌ك رێڤه‌به‌ر و توو وه‌ك فه‌رمانبه‌ر و هتد.. خوه‌ ئاڤا بكه‌ین و گه‌نده‌لیێ نه‌كه‌ین، د چه‌ند ساله‌كێن كێمدا ئه‌م دێ وه‌لاته‌كێ ساخله‌م ئاڤا كه‌ین, هه‌ر ئێك ژمه‌ لدیف قه‌باره‌كی گه‌نده‌لیێ دكه‌ت، ڤێجه‌ چ بچیك یان مه‌زن .

ئه‌گه‌ر ئه‌م سه‌دان حكومه‌تێن دن ژی ب هه‌لوه‌شینن و سه‌دان به‌رپرسێن نوی بدانن، دێ هه‌ر ئاڤا كانیێ یا شێلی بت، چونكه‌ سه‌ره‌كانی (جڤاك) یێ شێلی یه‌.