ھەلویست و ئیدانەکرنا بەرپرسێن مە لدوور توپبارانکرنا گەشتیاران

جـعفـر سنـدی
چەندین لێدوان و نەرازیبون ژ لایێ بەرپرس و بالادەستێن عێراق و ھەرێمێ ھاتینەدان و پرانیا وان من گوھداریكرنێ، بەلێ دڤێت ئەڤ گوتنە ببنە کریار ئەگەر بتنێ گوتن بیت، ھیڤیدارین خو ماندی نەکەن! ئەڤە بۆ چەندین جارایە ئەڤ کریارە دھێنە دووبارەکرن، بتنێ ھین دبێژن ئەم ئەڤێ کریارێ ئیدانە دکەین و ئەوێن ئەڤ کارە کری شەرمزار دکەن، مە شەرمزاریا وان نەدیت و ئیدانا ھەوەژی ب ھیچ شێوەیەکێ نەھاتە بەرچاڤ. بۆ ھێرشا ئەڤ جارەژی ھین دبێژن ئەم نەرازینە و ئەم ئیدانەیا ڤێ کریارێ دکەین، ئەگەر راستە ھین نەرازینە خالێن گرنگ و توند بەرامبەر بکرێن ڤێ کردارێ دانن، چونکی بتنێ ئیدانە و نەرازی بون ڤی کاری ناراوەستینیت. دڤێ بویەرێدا بتنێ ھەلویست، لێدوان و پەیڤێن رێبەرێ (رەوتا سەدری) سەرنجا من راکێشا بۆ ڤێ بویەرا درندانە.
رێبەرێ رەوتا سەدر، موقتەدا سەدری ئیدانەیا توپبارانکرنا زاخو کر و راگەھاند، بێ شەرمیا تورکیا گەھشتە ئاستەکێ کو وەسا ھزردکەت عێراق نەشێت بەرسڤا وێ بدەت، سەدری داخازا سزادانا تورکیا کر و دایە دیارکرن، دپێنگاڤا ئێکێدا ئەو پێشنیار دکەت برێکا ئەڤان خالا بەرسڤا تورکیا بھێتەدان .

1 . ئاستێ نوێنەریا دیپلوماتکاریا تورکیا بھێتە کێمکرن.
2 . ھەمی دەریێن سنوری و فروکخانە دگەل تورکیا بھێنە داخستن.
3 . بلەز ل نەتەوەیێن ئێکگرتی سکالا ل تورکیا بھێتە کرن.
4 . رێککەفتنا ئێمناھیێ دگەل تورکیا بھێتە ھەلوەشەندن.
ھەروەسا سەدری ئاماژە ب ھندێ ژیدا، ئێدی خو لسەر بوردومانکرنا پارێزگەھێن  باکورو ھەرێمێ بێھن فرەھ ناکەین ...