ئەرێ باو بارۆڤێن ل بەغدا مە ژی ڤەناگرن؟!!

ھەرمان باوەركی
ئەڤ ھەمی دەردەسەری و كاودانێن نوكە عیراق تێدا دەرباز دبیت و ھاولاتیێ عیراقی ژبەر دنالیت، ژ ئەگەرێ حوكمرانیییا نەدروست یا سەرانێن عیراقییە كو ل سەر بنەمایەكێ تایفی و مەزھەبی عیراقێ برێڤە دبەن و ژ ئەنجامێ ڤان ناكوكیێن حوكمرانیێ، گەندەلی دروست بوون و نە وەكھەڤی دروست بوون و ئەنجامێ وێ ژی ئەڤا نوكە ئەم ل عیراقێ دبینین، حكومەت نەھاتیە دامەزراندن و نوكە د ھولا پەرلەمانیڤە یا بوویە گەعدا ھاولاتیێن بەر جاددا و ھەیبەتا دەولەتێ یا بن پێبووی.
ھەمان تشت، ئایا ئەگەر ھەیە ھەمان تشتێ ل عیراقێ دروست بووی، وەكھەڤییا وێ ل ھەرێما كوردستانێ ژی دروست نەبیت، ئەز باوەرناكەم دروست بیت، لێ ژبەركو گەلەك وەكھەڤیێن نوكە ل ھەرمێ كوردستانێ ھەین وەك وێ ل عیراقێ ھەنە و چ دی خەلك ڤان نە وەكھەڤیان قەبیل ناكەت و خوش گوزەرانی دڤێت، بویە دڤێت سەركردایەتییا مە و حزبێن مە ژی بیر لڤێ چەندێ بكەن و زێدەتر ھزرێ تێدا بكەن، كو ئەو بارۆڤە ب سەر مەژیدا نەھێت.