دھوك د گوھورانكاریێن فەلكەناسیێ دا نینە!
9 مانگ پێش ئێستا
ناسر حكمەت
فەلەکناس دبێژن ب سەدەما کارتێکرنا نەرێنی یا مرۆڤان لسەر
سرۆشتی، گۆرانکاریێن مەزن هاتینە رویدان و تێکچوونا سەقای ژی ژ دەرئەنجامێ پیسبوونا
ژینگەهێ یە. د راپۆرتەکا تایبەتدا، فەلەکناس دبێژن ب سەدەما گۆرانکاریێت سەقای،
نها عەرد ب لەزاتیەکا زێدەتر لدوور هێلا خو د زڤریت و نها عەرد د ماوێ کێمتر ژ
(٢٤) دەمژمێرا دەورەکا تەمام دکەتن!
ئەڤ ڤەکۆلینە ژلایێ خەلکێ دهۆکێ ڤە، چ راستی بۆ نینە و
دگەل راستیا ژیانا خەلکی ناگۆنجیت، چونکە ل دهۆکێ درێژاهیا شەڤ و رۆژا گەهشتیە زێدەتر
ژ (٢٤) دەمژمێران. خەلکێ دهۆکێ ب بەلگەیێن فەرمی دبێژن کو عەرد د ماوەیێ زێدەتر ژ
(٢٦ تا ٢٧) دەمژمێران ل دوور هێلا خو دزڤریت. وەزارەتا کارەبێ دبێژێت ل هەیڤا بووریدا
حکومەتێ دەورێ (١٥ تا١٦) دەمژمێرا کارەبا نیشتیمانی دایە دهۆکێ و لیژنا موەلیدا ژی
دبێژیت کو هەر د وێ دەمیدا رۆژانە (١١) دەمژمێر کارەب دایە خەلکێ دهۆکێ. چونکە هەر
دوو راگەهاندنێن فەرمی بووینە، د دیاربێت کو ل هەیڤا بووریدا درێژاهیا شەڤ رۆژا گەهشیتە
( ٢٦ تا٢٧) دەمژمێرا، ئانکو ماوەیێ شەڤ و رۆژا زێدەکرییە.