پێکـــ❤️‍🩹ــڤە ژیان

5 مانگ پێش ئێستا

کۆچەرێ دەشتێ
کونفڕانسە هەر چ ڕەوشنبیر و هەڤاڵ وەزیر و دەستەگزیرەک یێ ل ڕێزا ئێکێ ئامادەیە، وان هەیامان مە ژی قاڵا ڕەوشنبیریێ دکر هندەک جاران ل سمیناران ئامادەدبووین،  پێشکێشکاران کارێ پەنەڵان ب ڕێ کر:
بەڕێزان هوین بخێر هاتن، ...
داخازێ ژ هەرسێ مێهڤانێن ئایندار دکن ب ڕێزڤە کەرەمکن ژبۆ دەستپێکرنا بابەتێ پێکڤەژیانێ.
هەرسێ مێهڤان لسەر دەپێ شانۆیێ ب ڕێزگرتنڤە ئامادەبوون، ئێک مەڵا بوو، ئێک شاڕەزایەکێ ئولێ ئێزدیان بوو و یێ دن ژی قەشەیەک بوو.
د ئەوان ناڤ بەینان ڕا، گەنگەشە گەرم بوو، هەرئێک ژ ئەوان دگۆت ئەز  و .... ، دەمێ گەنگەشە گەرم دبت مرۆڤ جاران شاش دبت دبتهای ژ هەمی هوریکاتیێن بابەتی نەبت، بتایبەتی دەمێ جەماوەر و گوهدارێ خوە نەنیاسیت.
ئەم ژی کومەکا گەنجان ژ سەنتەرەکێ ڕەوشنبیری یێ دەوروبەرێن دهۆکێ ل وێرێ ئامادەنە، مە ژی ناڤبڕەکێ د گوهێ ئێک و دوو دا ئاخفت و چەند پرسێن وان گەنگەشەکرین و گۆتین مە ڤەکوڵان، ئەم گەهشتنە وێ بریارێ ئەم هەر ئێک ژ ئەوان ب ڕێزان پسیارەکێ ژێ بکن، و هەڤاڵان ئەز هەلبژاردم داکو پسیاران ئاراستەی وان بکم.
پرسارێن مە ڕەخنەبوون بۆ هزرێن وان یێن خەلەت، یان ژی دبت ئەو بێ خوە خەلەت ببن د ئەوێ چەندێ دا. ....
-  مەلای دناڤ گەنکەشێ دا گۆتبوو:
"بەرێ چ پێکڤە ژیان نەبوو سپاس بۆ خودێ نوکە پتر پێکڤە ژیان یا هەی".
- ئایندارێ ئێزدی گۆتبوو: "مخابن زانکویێن مە چ ژێدەرێن پێکڤەژیانێ لێ نینن".
- قەشەی گۆتبوو: " چ پێکڤەژیان نها نەمایە، وەک پێدڤی لەودا دڤێت ئەم ڤی بابەتی خورتبکن، و دووبارە پێکڤە بژین".
لەوما مەژی هەرئێک ژ ئەوان پسیارەک ژێ کر، کو هەرسێ ب ڕێزان ژی تالیێ چ بەرسڤێن  روون نەبوون.
بۆ مەلای:
هەکەر بەرێ چ پێکڤەژیان نەبت پا چەوا ئێزدی و موسولمان و مەسیحی د ئێک چەپەردا بدژی ڕژێمێن داگیرکار د خەباتێ دابوون، هەروەسا دکەڤن دا دیوارێن مالێن جووهیان و موسولمانان پێکڤەبوون .... هتد.
بۆ ئایندارێ ئێزدی:
ب ڕێز تۆ دبێژی مە ل زانکویێ چ ژێدەرێن پێکڤەژیانێ نین، گەلوو ما ئێنجیل و قورئانا پیرۆز وەک پەڕتۆکێن ئاسمانی و هەروەسا کتێبا ڕەش وەک دەستۆرێ دینێ هەوە، ما تۆ نابینی باشترین ژێدەرێن پێکڤەژیانێ و ئاڤاکرنا مرۆڤاتیێ نە؟!!
بۆ قەشەی:
ماموستا تە گۆت: پێکڤەژیان نەمایە، گەلوو تە هزرکریە بۆچی؟ دێ شێی بێژیە مە کێ جیرانێن مە یێن فلە ژناڤ مە دەرئێخستن و بۆ وان ل فلان گۆندێ باکورێ باژێرێ مە کومەڵگەهەکا فلەنشین ئاڤاکر و ژ جیرانیا مە بێبارکرن؟ مانە هەر ئەڤ ڕێکخراوەبوون یێن بناڤێ خێرخوازی و مروڤاتیێهوین ڕازیکرین ئەڤی کاری ئەنجامبدن کو بوویە ئەگەرێ تێکدانا شیرازا جڤاکا مە، تۆ دزانی جیرانا مە یا فلە بێی دەرگەهـ قۆتان دا بدەنگەکێ بلند بێژت قوڕزایێ بەڵایێ و بژووردکەفت هندی هند مە باوەری پێ هەبوو !...

پاشی مە بۆ ب ڕێزان گۆت:
ئەو پێکڤەژیانا هوین گەنگەشێ لسەر دکن و مە پێ شیرەت دکن، ب لێبورینڤە هەر هەوە یا ژ مە ستاندی ...
ل دویماهیێ ژی دێ بێژین ئەڤە ۱۰ ساڵ پتر بورین هەمان تشت دبێژم ب لێبورینڤە هەوە پێکڤەژیانا مە یا ژ مە ستاندی ... هەتا  ئەڤروکە ئەم تاکێن ئاین جوودا دناڤ جەرگێ وەڵاتەکێ داگیرکری دا هزر بکن پێکڤەژیان نینە!!! هەروەسا وەڵاتێن زلهێز و پێشکەفتی بڕێکا سوشیاڵ میدیایێ سەدهزارتیرێن دی یێن ژەهرکری د شیرازا جڤاکێ کوردستانێ وەربکن.