بوچی هەلبژارتا من دڤێت ل موندیالێ‌ سەركەڤیت (كرواتیا)یە؟!

سعید شریف
ل تێشتخانەكێ‌ من تێشت دخوار و چەند گەنجان ل تەنشتا من گەنگەشە بوو ل سەر موندیالێ‌ و هەمیان پێكڤە هێرش ل سەر ئێك ژوان دكر، كو هەلبژارتا وی كرواتیا بوو، من ژی مایێ‌ خۆ دگەنگەشا وان دا كرو من گۆتە وان گەنجان هەلبژارتنا وی یادجهێ‌ خۆدایە، هەمیان بەرێ‌ خۆ دا من و ئێكی گۆت مامو رەنگە تو نەگەلەكێ‌ شارەزابی، نەكو نە تیپەكا بەرناسە ئێكێ‌ دی ژوان گۆت بوچی مامو تو وە دبێژی؟ من ژی گۆتی راستە هەڤالێ‌ وە ڤێ‌ سوحبەتێ‌ نزانیت یا نوكە ئەز بووە دكەم، راستە پتریا وە ژی شارەزای دیرۆكێ‌ نینە و پتریا دیرۆك مە كوردان ژی یا ب دەستێ‌ نەیاران هاتیە نڤیسین، یانكو پتریا راستی یێن وەرگێراین یان ڤەشارتین، نەكو هەر ئێكێ‌ ل سەر رویێ‌ ڤی ئەردی دەستپێكێ‌ پشتەڤانیا هەلبژارتا وەلاتێ‌ خۆ دكەت و هەر كەسێ‌  هەلبژارتا مللەتێ‌ وی د هەڤركیێ‌ دا سەرنەكەفتبیت بۆ بەشداریێ‌ لڤێ‌ موندیالێ‌ یان مینا مللەتێ‌ كورد دەولەت نەبیت و مافێ‌ بەشداریێ‌ نەبیت هەلبژارتەكا دی بۆ خۆ هەلبژێریت ڤێجا ب هەر پێڤەرەكێ‌ بیت، لەو ئەز دبینم نۆینەرێ‌ مللەتێ‌ كورد لڤێ‌ موندیالێ‌ كرواتینە، ژبەركو كرواتی ب بنەرەت میدینە و دانپێدانێ‌ ب كوردینیاخۆ دكەن بۆ چەندین سالان دهەڤركیەكا بەردەوام دابوون لگەل كۆما دەولەتێن یوغسلافی سەرا ڤێ‌ دانپێدانێ‌ هەرچەندە وان گەنجان ئەڤ گەنگەشا من ب گرنگی وەرنەگرت، لێ‌ وەكە هزرەك بۆ ڤی بابەتی بۆ من دروست بوو.

پشتی روخیانا ئمبراتوریا مێدیان ل سەر دەستێ‌ كورشێ‌ مەزن ل (550) ب ز قولەك ژ میدیان بناڤێ‌ (شزمەتی) بەرەف دەڤەرا كرواتیا چووینە و ل درێژیا ڤی دەمێ‌ دویرو درێژ ئایین خۆ ژدەستدایە نوكە وەكە ئایین هەمی ل سەر ئولێ‌ كاسولیكینە، لێ‌ ئەو ناما دكتورایێ‌ ئەوا ڤەكولەرێ‌ كرواتی ڤەهاندی ل چەرخێ‌ هەژدێ‌ بناڤێ‌ (زمانێ‌ كرواتیا زمانێ‌ میدیانە نە زمانێ‌ سلوفیانە) هاتیە ژناڤبرن نە بتنێ‌ ئەڤ ناما دكتورایێ‌ لێ‌  هەمی ڤەكولێن یان نڤیسین یان خویندنێن بەحسا گرێدانا مللەتێ‌ كرواتیان ب میدیانڤە دكەت و دیسا دیڤچوون ل سەر وان كەسان دهاتنە كرن ئەوێن وان بابەتان بەحسدكەن و گەلەك ژوان دهاتنە زیندانی كرن.
لێ‌ مەرەما من لڤی بابەتی نە بتنێ‌ موندیالە لێ‌ مللەتێ‌ كورد هەر ل كەڤندا دوو جارا یاهاتیە دابەشكرن ل سەر دوو پارچان لناڤبەرا دەولەتا ئوسمانی و صەفەوی جارا ئێكێ‌ پشتی شەرێ‌ چالدێران ( 1514 ) و جارا دوویێ‌ (1639 ) و بۆ جارا سێیێ‌ پشتی شەرێ‌ جیهانێ‌ یێ‌ ئێكێ‌ ل سەر چوار دەولەتان و ئەڤ چوار دەولەتە نەكو ناهێلن ئەم سەربەخۆیاخۆ ب دەستڤە بینین لێ‌ ناهێلن مافێن مە و مللەتێن وان دئێكسانبن یانكو هەرگاڤ ئەم نمرا دوینە دناڤ ڤان وەلاتان دا، كولا دلێمن ئەڤە هەمی دارشتنە نینە یا من نوكە بەحسكری لێ‌ مللەتێن یوغسلافینە پشتی شەرێ‌ جیهانا ئێكێ‌ و روخیانا ئمبراتوریا نەمسا و رزگاربوونا كۆما مللەتێن یوغسلافی كو ل شەش دەولەتان پێكدهاتن (بوسنەوهرسك، كرواتیا، مەكدونیا، چیایێ‌ رەش، صربیا، سلوفینیا) بوچی وان هە ڤركی و دژاتیا مللەتێ‌ كرواتی كریە كو وان خۆ ب كورد دایە ناسین، یانكو هەر دەرێ‌ كورد لێهەبن دڤیا بێ‌ ماف بن و بهینە چەوساندن، یانكو تورك و عەرەب و فارس بەس نینە داكو ئەڤ پنج دەولەتێن كۆما یوغسلافی ژی بهێنە سەر.
دەولەتا كرواتی هەتا سالا( 1991 ) لگەل هەڤپەیمانا یوغسلافیا بوو لێ‌ پشتی روخیا چەمسەرێ‌ كومەنستان یانكو ئێكەتیا سوڤێتی وان ژی ئازادیاخۆ راگەهاند و جارەكادی مللەتێ‌ كرواتی زڤرینەف سەر قەواناخۆ یابەرێ‌ و زڤرینەف سەر گەنگەشە و دانوستاندنێ‌ و بەرێكدانەڤا دناڤبەرا زمانێ‌ وان و زمانێ‌ سلافی دا كو زمانێ‌ سلافی نە زمانێ‌ وانە لێ‌ زمانێ‌ وان زمانێ‌ میدیایە، دیسا ئەڤرۆ گەلەك خوێندن ژلایێ‌ ڤەكولەرێن زمان زانێن كورد ل سەر هەبوونا خالێن هەڤپشك دناڤبەرا زمانێ‌ كوردی و سومەری دێ‌ هێنەكرن كو نەدویرە سومەری كوردبن، رەنگە گەلەك مللەتێن دی ب بنیات كوردبن كو ئێك ژوان مللەتێ‌ گورگی (جورجی) یە كو پشتی پشكنینان (DNA) بۆ كورد و جورجیان كو هەردوو ئێك ژانەرن دیسا پتریا خەلكێ‌ ئەوروپا نەخاسمە دەولەتا بریتانی و ئسرائیلی ژی، ب دیتنا من هەر رۆژا دەولەتا كوردی هاتە راگەهاندن پشتی ئسرائیلێ‌ دێ‌ كرواتیا دەولەتا دویێ‌ بیت دانپێدانێ‌ پێ بكەت.  
پێشنییارا من بۆ دەستهەلاتا كوردی گەر كرواتیا ئەنجامەكێ‌ باش ب دەستڤە ئینا، مەزنترین ئاهەنگ ل هەڤلێرا پایتەخت بۆ هەلبژاردا كرواتیا بهێتە گێران داكو بزانن مە یێ‌ هاگال كوردینیا وان و دا ببیتە هاندەرەك كو پتر بەرەڤانیێ‌ ژ كوردینیاخۆ بكەن.