فلما (جیران) ئەوا سنۆرێن ئایینا بەزاندین
3 مانگ پێش ئێستا
سعید شریف
ئەو فلما
دھی شەشێ ئێڤاری (4 – 12) ل هولا كونفرانسا ل رۆژا چوارێ یا ڤیستەڤالا فلمان هاتیە
نمایشكرن، كو ژ دەرهینانا نامو خەلیلێ رۆژئاڤایێ كوردستانێ بوو، پشتی دویماهی ب
فلمێ هاتی دەرفەت بوومە هەلنەكەفت كو پرسیارێن خۆ بكەین، هەر چەوا بیت لێ دڤیا ب
تەمامی دەرفەتێ ب دەنە بەرهەڤبوویا پرسیارێن خۆ بكەن. سەبارەت بابەتێ فلمێ دەستخوشیێ
ل سیناریورستی و دەرهێنەری و سێتافێ فلمێ دكەم، كو یێن شیاین قوناغەكا گرنك ببرن
و سیناریورستی ب وێرەكانە بابەتەكێ هەستیارێ هەلبژارتی كو ئەڤ ئێك ژوان دەهان
رودانانە ل كوردستانێ دناڤبەرا ئایینان دا سەر هەلداین، مە خۆشی بڤی فلمێ بر ژبەركو
دویماهیەكا گەشبین بۆ هەبوو لێ دەهان سەرهاتیێن
دی یێن مینا ڤێ سەرهاتیێ ب دویماهیێن دل تەزین یێن ماین ژبەركو مە گەلەك حالەت ل
شارێ ئاكرێ هەبوون، كو گەلەك زەلامێن جوهی ئاییناخۆ هێلایە و بووینە موسلمان ل سەر
خاترا عەشقاخۆ كو ئەڤرۆ خودان دەهان نەڤینە لناڤ شاری و گەر كوردان ژی ئەڤ وێرەكی
و ئازادی هەبا دا ب دەهان گەنجێن مە ژی ئاییناخۆ هێلن بۆ عەشقاخۆ.
لێ ئەو خالێن من تێبینی ل سەر هەین ئێك: دەمێ
شێرو ل رۆژا شەمبی دچوو ئاگری بۆ وێ مالا جوهی وان هەلكەت چ بۆ روناهیێ بیت یان
بۆ خوارنێ، لدویڤ پێداچوونا من ل سەر دیرۆكا وان ل رۆژێن شەمبی نەكو كەسەكی بۆ
وان ئاگر هەلدكر، لێ نابیت كەسەكی لناف
مالا وان ژی هەلكربا ژبەركو دا شەمبوویا وان شكێت و جوهیان خوارنا شەمبوویێ ل رۆژا
ئینادا چێدكر، كو دگۆتێ (سپیاڤوك) كو ئو ژی كوتلكێن ژبەر ئاڤا هنار و حلیكا بوون
كو نوكە ژی خوارنەكا سەرەكییا خەلكێ ئاكرێ یە و هەتا ئەڤرۆ ل ئورشەلیمێ خوارنگەهەك
هەیە ئەڤێ خوارنێ چێدكەت، خالا دوویێ یان من دڤێت ئاماژێ پێبدەم ئاخفتنا بنەمالا
جوهیان بوو ئەو جوهیێن دناڤ باژێرو گوندێن كوردان دا د ژین ب زمانەكی پەتی مینا
كوردان دئاخفتن ئەو جوهیێن پتری چل و پێنج سالان یانكو پشتی سەرهەلدانێ ژڤرینە ڤ
كوردستانێ بژینتر ژ كوردییا مەیا ئەڤرۆ دئاخفتن. دیسا خالا سێیێ: من دیرۆكا جوهیێن
ئاكرێ و بەردەرەش كۆمكریە و ل نزیك چاپێیە و رەنگە پتری هزار ناڤێن جوهییێن وی سەر
دەمی من هەبن و هەندەك ژوان ب دەه جاران دوبارە بووینە لێ ئێك ژوان ناڤان (حەنە)
تێدا نەبوویە ژبەركو ئەڤ ناڤە پتر ژناڤ فەلان دهێتە بكارئینان كو ئەڤە ئێك ژپرسیارێن من بوو كو ئەڤ ناڤە ژكێرێ
ئینایە؟، ئایە ئەڤ سەرهاتە كەتواری بوو یان ژی هزرا سیناریورستی بوو؟ خالا چوارێ
جوهیان دناڤ ئاخفتناخۆدا دەمێ لگەل كوردان دانوستاندن دكرن گەلەك پەیڤ (باخۆ)
بكار دئینا یانكو برا مینا نوكە فەلان پەیڤا (خونی) دیسا مینا پەیڤا كریفا ئیزیدیان
و كاكەیا كوردان، گەر سیناریورستی خوێندنەك ل سەر دیرۆك و كەلتور و ساخەلەتێن جوهیان
كربا دا خەمل و تامەكا دی بۆ ڤێ فلمێ هەبیت.