ماموستا ئەز رێنڤیسێ نزانم، دێ چاوان راپورتێ دروست كەم؟!!

ھاتین جومعە
ئێك ژوان دياردێن كو گەلەك ماموستا دگەل قوتابی پەیرەو دكەن، ئەو ژی دەما ماموستا داخازێ ژ قوتابیان دكەت راپورتێ ل سەر بابەتەكێ دەستنیشانكری دروست بكەن. لێ وەك ماموستایەك ئەز دبینم دروستكرنا راپورتێ بۆ زارۆكی ب تایبەت ئەگەر ل قوناغا سەرەتایی بیت، نە یا گونجایە، یا ژڤێ ژی خرابتر، دەما قوتابی وێ راپورتێ دروست دكەت، و ماموستا باش بزانیت كو ئەڤ راپورتە یا ژ ئەنترنێتێ یان سوشیالێ ھاتیە وەرگرتن، یان كەسەكێ دی یا بۆ نڤیسی،  یان دارشتنێ، دەما ماموستا بابەتەكی ددەتە قوتابی كو ل سەر بنڤیسن. لڤێرە پرسیار بلا بۆ ماموستایان بیت، ئایا ئەڤ راپورتا بڤی رەنگی یان ژی نڤیسینا دارشتنەكا ژڤی رەنگی كو قوتابی پەنایێ ببەتە بەر ئالاڤەكێ دی چ ئەنترنێت بیت یان كەسەكێ شارەزا و بسپور بیت، دێ ئەڤ چالاكییە چ مفای گەھینیتە وی قوتابی. ئەڤە ژبلی كو قوتابی كێشا رێنڤیسێ یا ھەی و ئەو بخوە نەشێت دوو رێزان ل سەر ئێك بنڤیسیت!!!