تێرۆرا (5) کوردان ل نوسەیبینێ!

رزگار حمید شریف
بەری چەند رۆژەکا پێنج ولاتیێن پارێزگەها دهۆکێ ژ دوو خێزانا کو (پیرەمێر و پیرەژن و مەلایەک و کچەک) بوون بۆ چارەسەریا دختۆر و گەریان قەستا کوردستانا تورکیا دکن. ئەڤ کۆما ئینسانێن بێ گونەھـ و سیڤیل ل شەڤێ ل سەر جادەیا نێڤدەولەتی و تێر قەرەبالغ یا نوسەیبین- مێردین ژ لایێ چەند کەسان تێنە لادان و چار کەس ژ وان ژ ترومبێل هاتنە دەرکرن ل سەر جادەیا قەرەبالغ و ناڤبەرا دوو قەرەقۆل و بنگەهێن پۆلیس تێنە تیرۆرکرن و یێ پێنجێ ژیک دناڤ ترۆمبێلێدا نەشێت دەرکەڤیت و تێت تیرۆر کرن و چەند پرسیار و تێبینی دەرکەڤن هۆلێ:
- ئالیێن فەرمی ژ پۆلیس و پارێزگارێ مێردینێ و میدیا تورکی، ئەڤە چەند رۆژە ل سەر تیرۆرا پێنج کەسێن سیڤیل بێ دەنگە کو ل “کوردستانا تورکیا” روودایە. یان زانیاری دگەل کوردستانێ تێن ئال و گۆر کرن و نەڤێن ئیسباتاتا خراب کەن یان ژیک دەستەک سیاسی ل پشتە.
- ئەڤ کەسێن بێ گونەه ب ترومبێلەکا تویوتا ئەرزان و نە مونیکا و تاهو و رەنج بینە، کو بێژین زەنگین دیارن و ژ بەر پارا هاتنە شەلاندن و تیرۆر کرن.
- پێزانین دەستپێکێ دیار دکن پارێ وان ژیک نە هاتینە برن.
- شێوازێ هۆڤانە یێ تیرۆرکرنا وان ژ دەرڤەی ترومبێلێ و ل سەر جادا نێڤدەولەتی پێش جاڤێت شۆفێرێن ترێلا و تەکسیا و گەشتیارێن عێراقی، ب کریارێن مافیا و تیرۆرا رێکخستی دچت.
- دبیت ژ ئەگەرێ کێشەیەکا کۆمەلایەتی یان هەر کێشەیەک دن داخوازا کوشتنا هەمیا وەک تۆلڤەکرن بیت، بۆ کەسێن دن ل هەرێما کوردستانێ یان تورکیا.
- بەحسا دیڤچوونا وان ژ دەرگەهێ ئیبراهیم خەلیل تا نوسەیبین تێتە کرن، کو د ڤێ رێکێ دا ب تایبەتی ل دەمێ شەڤێ زێدەتر ژ (١٠-١٥) بازگەهێن پۆلیس و جەندورمەیان هەیە و چاوا ب چەکڤە دێ شێی ب ئاسانی دەرباز بی و ولاتیێن تورک نەشێن ژمارا ترومبێلێن عەرەبی بخوینن!!
- جهێ روودانێ چەند سەد مێترا نێزیک بنکەیەکا پۆلیسانە.
- هەلبژارتنێن تورکیا چەند هەیڤەک دیە و پارتا کوردیا هەدەپە ئێکلاکەرە بۆ کو ئەردۆغان و پارتیا وی جارەک دی حوکمی ل تورکیا بکەن و دۆزگەرێ تورکیا داخوازا گرتنا ڤێ پارتیێ کریە، ژ بەر گرێدانا وان ب رێکخراوێن تیرۆریستی.
- داخوایانیا ئێکەمین یا “قەیوم یێ کو تورکە”ل پارێزگەها مێردینێ چەند کوردەک خەلکێ نوسەیبینێ تۆمەتبار کرنە ب ڤێ کریارێ، ب مەرەما شەلاندن و پارەوەرگرتن.