دیارده‌یا بێکاریێ و كاریگەریا وێ ل سەر جڤاكی

ھەژار رەمەزان
 ته‌ڤایا ملله‌ت و وەلاتێن جیهانێ، توشی دیارده‌یا بێکاریێ دبن و ب شێوەیەکێ به‌رچاڤ ئه‌ڤ دیارده دناڤ ملله‌تێ مه ملله‌تی کورد دا هه‌یه و ژ ئه‌ڤێ دیارده‌یا بێ کاریێ بێ به‌ش نه‌بووینه، کو به‌رده‌وام تاکه‌که‌سێن چڤاکی ب ده‌ستێ وێ دنالن. ئه‌گه‌ر ئه‌م باس ل کاریگه‌رییا دیارده‌یا بێکاریێ ل سه‌ر چڤاکی بکه‌ین، دێ بینینن کو کاریگه‌ریێن ڕاسته‌وخۆ و نه‌رێنی ل سه‌ر چڤاکی هەنە ژوان ژی:
ـ دبیته ئه‌گه‌ری هندی کو تاکه که‌س زوی ژیانا هه‌ڤژینیێ پێکنەئینیت، ئه‌ڤە ژی دبیتە ئه‌گه‌ر کو تاکه‌که‌س ب ڕێکەکا دی بگه‌رن بۆ تێرکرنا حه‌زێن خۆ  و ئه‌و ڕێکە ژی دێ بیته ئه‌گه‌ر کو کێشه‌یێن چڤاکی دروست بکه‌ت.
ـ دبیتە ئه‌گه‌ر گه‌نجێن مه قه‌ستا ژ ده‌رڤە بکه‌ن ژبه‌ر نه‌بوونا کاری بۆ ب ده‌ستڤەئینانا کاری، د ده‌ریایان دا بن ئاڤ ببن! ئه‌ڤە ژی ئێکە ژ کێشەیێن مه‌زن ب ڕاستی ژی.
یان تاکه‌که‌س په‌نایی ببه‌ن بۆ مادده‌یێن بێهوشکەر، ژبه‌ر کو کاره‌ک نه‌بووییه بکه‌ت ئه‌ڤجا دێ په‌نایی به‌ن بۆ کارێن خه‌له‌ت و  چڤاکی ژی توشی خه‌له‌تییان دکه‌ن.
- دبیته ئه‌گه‌ر کو تاکه که‌س د مالدا بمینن و ب ئامیرێن ئه‌لکترونی ڤە مژیل ببن ئه‌ڤجا ئه‌ڤە ژی دبیته ئه‌گه‌رێ هندی کو توشی ئالوده‌بونا ئامیرێن ئه‌لکترونی ببن.
ـ دبیته ئه‌گه‌ر کو تاکه‌که‌س پتر تووشی تاوانان ببیت. ژبه‌ر بێکارییا خۆ (دزیێ) بکه‌ت… .هتد.
ئه‌ڤێن مه باس کڕین هه‌می ژ ئه‌نجامێ بێکاریێ نه، ئانکو ب شێوه‌یه‌کی گشتی بێکاریێ کارتێکرنەکا زۆر هه‌یه ل سه‌ر چڤاکی و به‌رده‌وام کارتێکرنێ دکه‌ت. ئه‌گه‌ر چاره‌سه‌رییه‌ک بۆ نه‌هێتە کرن دێ توشی کاره‌ساتێن مه‌زن بین.
كی دێ چارەسەریێ پەیدا كەت:
ب هزرا من دڤێت حکومه‌ت ل ئه‌وان ڕێکا بگه‌ریت، کو بشێت ئه‌ڤێ دیارده‌یێ کێم بکەت. چ ڤەکرنا کومپانییا بیتن یان ل شوینا ئینانا کارمه‌ندێن بییانی کارمه‌ندێن ناڤخۆ بن. ئه‌ڤە سه‌ره‌کی ترین ڕێکە بۆ کێمکرنا بێکاریێ.