بێ ئومێدییا نڤیسەران د ستویێ كێدایە؟!!

سەگڤان حەسەن
گەلەک جاران مرۆڤ هزر د نڤیسینا بابەتەکێدە دکت و دبێژت، دێ فلان بابەتی بۆ ڕایا گشتی نڤێسم، بەلکو بشێم گوهورینێ د فلان بواریدە بکم. بۆ نمونە (خێزانێ، پەروەردێ، گەندەلیێ، حکومەتێ، کەسایەتییەکێ مەزن، بەرپرسەکێ، مێشکێ تاکێ کورد...هتد). لێ ژ نشکەکێڤە هشێت مرۆڤی دئێنە سەرێ مرۆڤی و دبێژن، ئانکو چ؟ بوچی دێ نڤێسی و بۆ کێ دێ نڤێسی و هەر چ پێڤەنائێت! لەوا مرۆڤ سار دبت و دەست ژ نڤیسینا خوە بەرددت.
ئەڤ یەکە ب هزرا من بۆ وێ چەندێ دزڤرت، کو کەسانێت بلند و (بەرپرس) د حکومەتێدە یانژی بێژن حکومەتێ ب گشتی بۆ بەرژەوەندییا گشتی و ئاڤاکرنا مێشکی و پێشڤەبرنا هزرا تاکێ کورد و بلندکرنا هەستێ نەتەوی و حەزا وەلاتی،کارنەکرییە، لەورا تاکێ کورد باوەری ب چ تشتەکێ نەمایە و چ تشتەکێ ب پیرۆز نزانت و نابینت چ تشت ژ هەژی باسکرنێ، ئانکو بو کێ بێژم و ژ کێرا باسبکم؟ وەک کابرای گوتی (مامو ب سەرێتە خر دەڕەوە). لەوما ل دەمێ من ئەڤ بابەتە ژی د نڤیسی، من گوتە خوە باشە تو بۆ کێ دنڤێسی کی د خوینت و کی دنڤێست؟!!