گوھورینا كورسیكێ!

شاكر ئەتروشی
گۆهۆڕینا پلە و پوستان ل هەموو جیهانێ‌ تشتەكێ‌ ئاسایی یە و یا ژڤێ‌ ئاسایتر ئەوە، وەختێ‌ دەمێ‌ وی ب دووماهی دهێت ئەو كەس دێ‌ ب سنگەكێ‌ بەرفرەھـ وەرگریت و چیتە مالا خوە روونیت و دێ ژیانا خوە یا مای ‌ ل گەل هەڤژین و زارۆیێن خوە بۆرینیت.
 لێ‌ مخابن ل وەلاتێ‌ مە ئەڤ چەندە نینە و بەری نوكە هندەك كەس هەبوون دەھـ هەتا پازدە سالان ل سەر كورسیكەكێ‌ بوون و وەكو سیكۆتینی‌ پێڤە نیسیابوون و دەمێ‌ هاتینە گۆهۆڕین، وان پێ‌ نەخۆش بوو، چنكو پارە و مەعزۆمات و گەلەك تشتێن دی ژ دەست چوون. لێ‌ نوكە هەتا رادەكی باشترە و ئێدی وەكو بەرێ‌ كەس دەھـ سالان ل سەر كورسیكەكێ‌ نامینیت و هەر چەندە سالەكان دهێنە گۆهۆڕین و هەر چاوا بیت دەمێ‌ كەسەك دهێتە گۆهۆڕین، دڤێت ب تشتەكێ‌ ئاسایی بزانین و بێژیت من هندە سالان خزمەت لڤی جهی كر و ئێدی بلا دەلیڤە بۆ كەسەكێ‌ دی بیت، چنكو مە ب هزاران گەنج هەنە دەرچۆیێن زانكۆ و پەیمانگەهانە و هندەك ژوان هەلگرێن باوەرنامێن بلندن هەكە دەلیڤە ب وان بهێتەدان دێ‌ شێن ب مێشكەكێ‌ نوو كاركەن و ئەز ب باوەرم دێ‌ رۆلێ‌ خوە بینن و ڤەژەنەكا دی دەنە وی جهی، هەروەسا ئەو كەسێن ل وی جهی كار دكەن دێ‌ هەست ب هندێ‌ كەن، كو راستە گۆهۆڕین ئێك ژ بنەمایێن دیمۆكراسیەتێ‌ تە یە و دێ‌ شێن باشتر بهێنا خوە هەلكێشن، چنكو هەكە كەسەك چەند سالان ل حهەكی ما بێگۆمان دێ‌ كوتلە كوتلانێ‌ چێبیت و ئەو كەسێن ب دلسۆزی ژی ل وێرێ‌ كاردكەن دێ‌ جۆرە بێ‌ ئۆمێدیەك بۆ چێبیت و هەر چو نەبیت دێ‌ د دلێ‌ خوە دا عاجزبیت و هەست ب نەخۆشیان كەت.
ل دووماهیێ‌ پێشنیاز دكەم بڕیارەك بهێتە دەرخستن، كو هەر كەسەك دەمێ‌ دبیتە بەرپرسێ‌ ئێكێ‌ ل هەر جهەكێ‌ بیت نابیت ژ سێ‌ سالان پتر ل وی جهی بمینت و هەكە هێشتا یێ‌ گەنج بیت بزڤڕیتە ڤە سەر كارێ‌ خوە یێ‌ بەرێ‌ و هەكە یێ‌ ب عەمر ژی بیت بلا ب پارەكێ‌ گۆنجای بهێتە خانەنشینكرن و بڤی رەنگی دڤێت ئەم هەموو رازی ببین و كەس ژمە خوە نەدەتە بەتەنێ‌ و سل ببیت.