(رێكخراوا بەڕی...) ل زاخو، نمونا ژینگە پارێزیێ!
3 مانگ پێش ئێستا
چنار
احمد
پاراستنا
ئاخ و ژینگەهێ، پێكڤەژیان و كەش و هەوایەكێ تەندروست پەیدادكەت و رێزگرتن ل
سروشتی بهایێ مرۆڤی دیاردكەت و چاڤێن مرۆڤی بەرەڤ ئایندەكێ باشتر و ساخلەمتر ڤەدكەت.
ئەڤە دیسا بهار هات و ئێدی دێ باژێر خالی بن و ئاقار تژی مرۆڤ بن و ئەم هەمی بەرێ
خو دەینە چول و چیا بو گەشت و سەیرانا و هەرئێك ژ مە ل جهەكێ پاقژ و بێ بەرمایك
دگەریێت گەشتا خو ب ئارامی لێ بكەت. وەكی هەرسال هندەك ژمە دێ ژینگەهێ پیسكەن و
هندەك ژمە گازنداكەن و هندەك ژمە ژی دێ ب درووشمێن جودا جودا زەرفێن گلێشی راكەن
و ب ناڤێ هەوێن پاقژكرنێ خو لسەر شاشێن تی ڤییان بادەین و ئەگەر هەوێن مە چەند د
درێژ و بەرفرهەبن، هەروەكی ئەم چپكەكا ئاڤا دەریا ژ خوێ تافیردكەین.
دڤی
بابەتی دا تشتەكی سەرنجا من بۆ خو راكێشایە (دا پێكڤە پاقژی و جوانیا زاخوكا دەلال،
بكەینە نمونا هەرێما كوردستانێ)، ئەڤە درووشمێ كومەكا گەنجێن زاخویە ب ناڤێ (رێكخراوا
بەڕی یا ژینگەھـ پارێزی و چیاڤانی)، خوبەخشێن ڤێ رێكخراوێ زنجیرەكا هەوێن پاقژیێ
دەست پێكرینە و بەردەوام سەرەدانا جهێن گشتی و گەشت و گوزاری یێن دەڤەرا زاخو دكەن
ب مەرەما پاقژكرنێ و بەرهەڤیێن گەشتێن بوهار و نەوروزێ دكەن، داكو خێزانا من و تە
ب ئارامی بشێن دجهەكێ پاقژ و تەندروست دا سەیرانێن خو بكەن.
یا
خویایە رێڤەبەریا گەشت و گوزار و باژێرڤانی و جهێن شولەژێ و ژینگەھـ پارێزیێ د
پاقژكرن و پاراستنا ژینگەهێ دا دبێ تەخسیرن لێ ئەڤ چول و چیا و نهال و دەشت و
زوزانە ب ژمارەكا كێم یا مرۆڤا و هندەك زەرفێت گلێشی پاقژ نابن و ئەگەر هەر ئێك ژمە
ژلایێ خو جهێ خو پاقژبكەت، ناگەهیتە وی راددەی بەڕی و جهێن شولەژی ژی وێ زەحمەتێ
ببەن و بەرمایكێن مە راكەن.
ئەز
ب فەر دبینم كو رێز ل زەحمەت و ماندیبونا وان یا بێ بەرامبەر بهێتە گرتن و ب لایەنێ
كێم ب خەلاتەكێ رێزلێنانێ پاداشتێ وان بهێتەدان و ژلایێ مەژی ڤە وەكو تاك مەزنترین
پشتەڤانی ئەوە ملێ خو بدەینە ملێ وان.