(كوچك و دیوان) و (دادگەھـ)..!؟
2 مانگ پێش ئێستا
كوڤان حسێن
سازیا عەشیرەتێ ل جهەكێ
ژ جهان فاكتەرەكێ لاوازیا كوردا بویە و رەنگە سەدەمەك ژی بیت، بۆ گەلەك نهامەتی و
ئازارا ژی. ئەڤە راستیەكە هەمی كوردناسان ڤەگێرایە و هەر كەسێ قەنج دیروكێ ژی
بخوینیت، دێ ئەو راستی بو دیار بین جەند دەماگێریا عەشیرەتێ بو كوردا دەردەسەریەك
مەزن بویە. لێ ئەڤە هەمی وێ جەندی دیار ناكەتن كو تێگەهێ عەشیرەتێ هیج ئالیەكێ
باش تێدا نینە بەروڤاژی ئەڤێ جەندێ ژی هندەك باشێن خو هەنە، لێ قەد ئالیێ نیگەتیفێ
وێ پەردەپوش ناكەت.
عەشیرا كوردا ب گرانی نەكەفتیە
بەر داتاشێ پێشكەفتن خوازیێ و نە بویە ئارمانجا هێزەكێ لاواز بكەتن یان هە نەهێلیت.
وەك سازیەكا موكم و بەشەك ژ نەخشەیا جڤاكی هەمی دەمان خو گونجاندییە دگەل رەوش و سەردەمان
و جارا ژی ب نهالا خیانەتێ دا جویە هەر ژ ژبەری سەردەمێ (سوارێن حمێدی) و تا نوكە ژی سازسیا جاشاتیێ ل روژهەلات و
باكورێ كوردستانێ پشت ب عەشیرا دگریت.. ئەڤە زێدەباری سەربورا كوردستانا عێراقێ
دڤی واری دا یا بەرجاڤە.
هەمی جڤاك ناس دبێژن عەشیر
یەكەمین شێوەیێ دەولەتێ یە و ل هەمی جهێن عەشیر لێ بهێز بیت یێ بویە متایەكێ
هەڤركیا سیاسی لسەر تێتە كرن و بو ئارمانجێن سیاسی ب بەرفرەهی ڤە هاتیە(ئیستغلال)
كرن و كوردستانا عێراقێ باشترین نمونەیە. لێ ئەڤە هەمی هندێ ناگریت كوردستانێ
كاریگەریا عەشیرا بیتە ئەلترناتیف و شینگرێ دەولەت و حكومەتێ بڤی ئاوای زڤرینە
بو بەری سەردەمێ هزرا نەتەوەیی و پاشە كشەیەكا مەزنە ژ وان بهاێن سەردەمی.
كارەساتە ئەم كوردستانی ل
سەردەمی هەر ئاریشەك ریدا ببەینە جارجوڤێ عەشیرەتێ و خراب تر و وێران تر ژی ئەوە
دەرفەت بو هندەك ژ كەسێن بناڤێ عەشیرا دئاخڤن هەولا شینگرتنا دادگەهێ بگرن، ئەڤە
ئاشكرا ڤان هەیاما ل زورەك ژ دەڤەرێن كوردستانێ یا بەربەلاڤ دبیت سرود و مارش و
ئالا بو عەشیرا داناینە و رەنگە هوسا بەردەوام بیت زون و جوگرافیا خوە پاوان بكەن.
ئەڤە دەردەسەیەك هندا مەزنە بێدەنگی لسەر رەنگەكێ رازی بونێ یە ب حكمێ كوجك و دیوانا
و دەرفەت دانە جارەكا دی كوجك بیتە جهێ پرسێن گرنگ, بومە ل كوردستانێ ئاشكرا یان
دڤیا یاسیایەك هەبیت ڤێ جەندێ رێك بێخیت یان هێزێن سیاسی ڤێ جەندێ وەك جەمكەك
سیاسی دیر ژ ململانا خویا بەرتەك سنور دار بكەن.
عەشیر سازیەك بەرێز بمینت
بو خورتكرنا هندەك نەریتێن جڤاكی ێن باش و هاندەرەكێ دەولەتێ بیت و مایتێكرنێ
دكارێن دەستەلاتێن (حەصری) ێن دەولەتێ نەكەن وەك دادگەهان.رێزگرتن بو عەشیرا درستە
لێ نە بیتە شینگرێ هزرا نەتەوەی و نشتمانی و نە بیتە ژێدەرێ تێك دانا (سلما اهلی)
و ئەڤە پێتڤیە ب سڤكی نەهێتە وەرگرتن.نە دیرە ژ ریێ سیاسی ڤە روژەكێ بیتە مەترسی
بو سەر هەمی دەست كەفتێن بزاڤا نەتەوی و نشتمانی.