ئێدی تامسار یێ دبنە ستێر!!

ئازاد كامل
سەبری سلێڤانەی جارەکێ د چاڤپێکەڤتنەکا خۆەدا گوت، گەوریا من دریا بەختێ خودێ بەسە ترانە و تەمساری! ل ڤی کەتواری تامسار گەلەک یێت زێدەبووین، رۆژ بۆ رۆژێ بەرەف پتریێ ڤە دچن، ژبەرکۆ ئێدی نان یێ کەتیە سەر تامساریا تایبەت ل سوشیال مەدیایێ، ئێدی هەمی کەس یێ خۆە تەمسار دکن ژبەرکۆ دیارە پاریەکێ باش پێڤە دهێت و رۆژ بۆ رۆژێ رویێ خۆە یێ دروست نیشا جڤاکی ددەن. هندەک کەس، مخابن بۆ وان کەسان ژی یێت کۆ پالپشتیا وان دکەن، لڤێرە مەرەما من ئەون یێت کۆ متابعا وان دکەن، چونکە هەر ئەو کەسن یێت کۆ وان تەمسارا لناڤا مەدا زێدە دکەن و بهای ددەنێ و دبنە ستێر ل ناڤ ڤی جڤاکیدا و دو چەندان خۆە دفن بلند دبینن ژ کەسانێت دی، بەلێ دیارە گەلەک باش نانێ خۆە ب وان تەمساریا ڤە دخۆن.
 (محەمەد ماغوت) ژ بێ مەبەستی نە گوتیە، دونیا دونیایا مروڤێن سەر سەری و گەوادە، نەکۆ یا رەوشەنیرا و زانایایە. بەریا چەندێ ل سیکێ ل دوکانەکا موبائیلا بووم بابەت بۆ ئەڤە، دو جحێل لبەر دوکانێ بوون ئێکی گوتە یێ دن تە شڤێدی دیت لایڤێ فلان کەسی دەمژمێر(4)چاری شەڤ دەهـ هزار مروڤ ل پێش لایڤێ وی بوون! بدە هزرا خۆە دەمژمێر چاری شەڤ و دەهـ هزار مروڤ لپێش لایڤێ خەبەر بێژەکی! هزربکە جڤاک بەرەڤ کیڤە بەحسا کێ کر، بەحسا ئێکی کر کۆ بەس خەبەرا و تامساریا دکەت کۆ باوەرناکەم ئێک جار ژی ئەو مروڤ بشێت دو پەیڤێت باش یێت خێرێ بۆ وان دەهـ هزار مروڤان بێژیت، تۆ قەد باوەر نەکە ژبەکۆ ئێدی متابع نامینن و نانی ب ئاخڤتنێت باش و یێت خێرێ ناخۆەت، بەلێ ڤان گەنجا نە دزانی کۆ یێ نانێ خۆە لسەر حسێبا وە و خەوا وە دخۆەت، ئەڤ گەنجە نوزانن هزرەتا ڤان جورە مروڤا دو دینار بوون نوکە لسەر حسێبا وان و خەوا وان هەرو ل گەریانەکێ نە ل وەلاتەکی من ژی تەدەخل کر و من گوتێ، ما بەرکەڤیت مروڤ حەتا دەمژمێر چار مینیتە لبەر ڤان مروڤان! ما چ بێژیت بۆ وە؟ گوتن ولله بەتالی بوو من ژی گوتێ مادەم هەر بەتالیە مە کەسێن باش و تشتێن باش هەنە کۆ هووین پێڤە خۆە مژیل بکەن مینا سەبری سلێڤانەی دکتور فازل عمر …. هتد وەکۆ نموونە. دیڤرا من گوتێ مخابن کۆ گەنج هەمی ماینە ب ڤانەڤە و وەختێ خۆە بەلاش دمەزێخن ڤێجار مامو خۆە تامسار بکە، داکۆ نانەکێ باش بخۆەی و ببیە ستێر ل ناڤ ڤی جڤاکی.