ئەرێ سەرهلدان دێ رۆژەکێ هێتە ژبيرکرن؟!

ئاریمان ئیسماعیل
سەرهلدانا دهوکێ چيە؟ ئەڤە پرسيارا پەيامنێرەکی يە بۆ بەشەک ژ گەنجان، ئەرێ ھین ھزر بكەن بەرسڤا گەنجان چ بیت؟! بخۆدێ ئەز نزانم چيە! مەبەستا وی نزانیت سەرھلدان چ تشتە!!
ئەز نزانم ل ڤێرێ پرسيار بکەم يان ب مينم مەندەهوش !گەنج بگەهيتە ژيەکێ پێگەهشتی و ديروکا خوە نەخوينت يان ژی بەحس ل ديروکا وی بۆ نەهێتە کرن، ئەرێ دێ پشتی دەهـ سالێن چ چێبيت؟! سەرهلدان دێ مينيت يانژی دێ ئەو ژی هێتە ژبيرکرن، ژبەرکو ئەگەر گەنجێت سەردەم نەزانن ئەو ئازاديا نها ئەو تێدا بەرهەمێ چيە، هەلبەت دێ پێشبينيا خراپتر کەين.
لێ هەر چەوابيت ئەز هەر دبێژم دڤێت دايک و باب دناڤ مالدا لسەر سفرا خارنێ بۆ زارۆکێت خوە بەحس لڤان رۆژێن ديروکی بکەن، داکو دگەل ڤان رۆژان مەزن ببن و بزانن. ژ پێدڤيانە مامۆستا وەک ئەرکەک ببينيت کو دهەر ويستگەهەکێ دا بەحس ل ڤان رۆژێت تايبەت بکەت، داکو بهێنە پاراستن نەک ژبيرکرن. ژ بلی وێ يەکێ کو قوتابی بخوە بچيت و بخوينيت  وبيرا من دهێت دەمێ ئەز زارۆک ل قوتابخانەيەکا بنەرەتی مامۆستايەکێ مە بۆ مە بەحس بابەتەکێ ديروکی دکر، لێ مە هند گرنگی پێ نەددا تاکو مەزن بوين و نها ل دويڤ دگەرين ژ راستا ژی ئەرێ بوچی ديروکا مە بومە نەيا گرنگە؟ بوچی ئەم ناخوينين بوچی؟ ئەم ديڤچونێ ناکەين، ئەڤ رۆژێت دهێنە ساخکرن چ رۆژن؟
پرسيار ئەوە ئەرێ ديروک لبەر دلێ مە رەش بويە، ژبەر ڤێ مە نەڤێت گوهـ ل چ ببين يان ژی بۆمە ب شێوازەکێ شارستانی نەهاتيە گوتن، داکو ژێنەرەڤين؟ بەرسڤ بۆ هەوە دگەل رێزگرتنێ .