خێزان و دویڤچوونا سنێلەی

رێژین ئەحمەد
‎بابەتی دویڤچوونا سنێلەی ژ لایێ خێزانێ ڤە بابەتەكێ زورێ گرنگە، كو پێدڤیە پتر بهێتە ئازراندن ژبەر كو قوناغا سنێلایەتیێ قوناغەكا زورا هەستیارە دژیێ مروڤی دا و ئەڤ قوناغە دبیتە بنیاتێ ئاڤاكرنا كەسایەتیا مروڤی، لەوما بنیاتێ ئاڤاكرنا سنێلەی ئەو ژینگەهە ئەوا تێدا دژیت و پێدڤیە لسەر هەر دەیك و بابەكی، ژینگەهەكا ساخلەم بو سنێلێ خو پەیدابكەت و ب شێوەیەكێ هویر دویڤچوونا سنێلەی بكەت لەوما دڤی بابەتی دا دێ چەند خالەكێن كێم دەمە دیاركرن كو خێزان دشێت ب ڤان خالا سنێلێ خو ئاڤا بكەت.

‎1• خێزان دویڤچوونا سنێلەی بكەت ب شێوەیەكی ترس و نە ئارامی لدەف سنێلەی پەیدا نە بیت.
‎2• خێزان دویڤچوونا سنێلەی بكەت و بزانیت پەیوەندیێن وی دگەل كەسانێن دەوروبەرێن وی د چەوا نە و ئەو كەس كینە یێن سنێلەی پەیوەندی دگەل هەی.
‎3• خێزان دویڤچوونا سنێلەی بكەت و بزانیت چ ئاریشە و ئاستەنگ هەنە د ڤی ژیێ هەستیار دا سنێلە توشی گەلەك ئاریشەیان دبیت.
‎4• خالا هەرە گرنگ ئەوە خێزان دویڤچوونا سنێلەی بكەت بو بكار ئینانا سوشیال میدیایێ و بزانیت سنێلە چەوا سەرەدەریێ دگەل سوشیال میدیایێ دكەت.
‎5• خێزان دویڤچوونا سنێلەی بكەت و بزانیت حەز و ئارەزویێن سنێلەی چنە.
‎6• د ژیێ سنێلەیێ دا گەلەك جارا هزر و بیرێن سكسی لدەف سنێلەی پەیدا دبن، لەوما زورا گرنگە خێزان ب شێوەیەكێ ساخلەم رەوشەنبیریا سكسی بو سنێلەی شروڤەكەت.

‎هەلبەت ژ ئەگەرێ دویڤنەچوونا خێزانێ ژ بو سنێلەی، سنێلە بەرەف گەلەك ئاریشە یێن مەزن ڤە دچیت و دویر دبیت ژ خێزانا خو لەوما زورا یا گرنگە خێزان د ڤی ژیێ هەستیار دا دیفچونەكا زورا باش و ب شێوەیەكێ جوان بو سنێلەی بكەت دا كو بشێت سنێلەكی ب باشترین شێوە پەروەردە بكەت، لەوما دەیك و بابێن بەرێز تو بەرپرسی ژ ئاڤاكرنا زاروكی خو.