دەرمانخانە وەك ماركێتان یێن لێھاتین

كارزان  عبدالله خالد                                                       
ل دهۆكی مرۆڤ هەست دكەت ئێدی بدەستڤە ئینانا درمانان وەكو بدەستڤە ئینان  و كرینا خوارنێ‌ یە؛ بێ كو ئەم زیانێن ڤێ چەندێ بزانین، شاش بكارئنانا وان دەرمانان، ئایا ئەو دەرمان چەند دناڤ بەفرگرێن مەدا دمینیت و دەمێ وێ یێ ب سەرڤەچوونێ چەندە و ئەگەر مە دروست نەخارن دێ چ كارتێكرنا خوە یا خراب ل سەر مە ھەبیتن.
لڤی باژێرێ ئەز تێدا دژیم ھەمی تشتەك یێ بەروڤاژی دبیت، ئەگەر تو خارنەكێ داخواز بكەی، برێكا دلیڤەری دێ ب ساناھیترێن رێك و بلەزترین دەم گەھیتە بەر دەستێ تە و ھەر چاوان خارن ھوسا ب ئاسانی دگەھیتە مە، ئھا ھوسا دەرمان ژی یێن وەلێ ھاتین، ھەر دەرمانخانا قەست بكەیێ، دەرمان دێ ب دەست مرۆڤ كەڤن، چ راجێتا نوژداری ھەبیتن یان نە.
ئەگەر ئەم بەراوردیەكێ ژی بكەین، ئەڤ تشتە ل چ وەلاتێن دی ھوسا نینە، بێ راجێتا نوژداری دەرمان ناھێنە دان، ئەڤە ژی بۆ نەبوونا ھوشیاریا خەلكی دزڤریت، بۆ دیڤنەچوونێ و نەبوونا چاڤدێرییا تەندروستی و ئەڤێ ژی دێ كارتێكرنێن خوە ل سەر ژیانا خەلكی و تەندروستییا خەلكی ھەبن و یا كەت ژی و دڤێت حكومەت چ زوی بیت ب ئەركێ خوە رابیت و رێ ل بەر ڤێ دیاردێ بگریت.