مە کلتورێ خواندنا پرتووکان نینە!

نوژدار جمال                                                                     
پرتووک سەروکانیا ب دەستڤەئینانا پێزانینایە، رێیەکە بو بلندکرنا ئاستێ رەوشەنبیریا کەساتییا مروڤی لێ مخابن ئەفرۆ بهایێ پرتوکان دناڤا جڤاکێ مەدا و ب تایبەتی تەخا گەنجاندا نەمایە.
هەر تشتەک بو دەسپێکێ دزڤریتن، جونکی دەمێ زاروکێ مە دگەهیتە قوناغا سنێلەیێ پێدڤیە ئەم بەرێ وی ب دەینە خواندنا پرتوکان، بەلێ ب مخابنی ڤە ئەڤروکە مە بەرێ وی دایە ئامیرێن ئەلکترونی و یاریێن بێ مفا، زاروکینیێ ئەم یێن فێربووین مە کەرەب ژ خواندنا پروتوکان فەدبن، هەروەسا دجیهانا ئەڤرۆ داگەلەک رێکێن ب ساناهی هەنە مروڤ مفایی ژێ وەربگریت مینا تەکنولوژیا سەردەم و ب تایبەتی ئەنترنێتێ کو روولەکێ بەرچاڤ و کاریگەر ل سەر خەلکی هەیە، کو خەلک ژ خواندنا پرتوکان دوور بکەفیت، لێ دڤێت قوتابی ژی ل گەل دەیک و بابا و پەروەردێ گرنگیێ ب خواندنا پەرتوکان بدەت، هەمی تشتەک بو دەستپێکێ دزڤریتن دەمێ زاروکێ مە دگەهیتە قوناغا سنێلەیێ ل جهێ ئەم بەرێ وی بدەینە خواندنا پەرتوکان، بەلێ ئەم زاروکێ خو فێری تلفونا و هندەک ئامیرێن یارایان دکەین، ئەو کەسێن دبێژین مە دەم نینە پەرتوکا بخوینین، ئەز ل دگەل بوچوونا وانا نینم، چونکی پرانیا خەلکێ مە دەمێ خو ل گەل تێلەفزیونێ و تلفونا و دەرکەفتنا ل گەل هەڤالان ڤە دبەن، یا دیارە کو ئەوگوتنا ئەم دبێژین بتنێ دەروونێ خو پێ ئارام دکەن. لەورا دڤێت ل دەسپێکێ ئەم کلتورێ خواندنێ نیشا زاروکێن خو بدەین، زێدەباری وی سیستەمێ شاشێ پەروەردێ بو خواندنێ ئەو ژی دبیتە ئەگەرەک کو خەلکێ مە حەزا خواندنا پەرتوکان نەبیتن،هەکە سیستەمێ مەیێ خواندنێ روولەکێ کاریگەر هەبایە و گرنگی دڤی بیاڤی دا هەبا، بونموونە هەبوونا پەرتوکخانان دناڤا قوتابخاناندا، دا کارتێکرنێ ل سەر جڤاکی و خەلکی بو خواندنا پەرتوکان هەبیت بەلێ ب مخابنی ڤە هەکە تو بەحسێ خواندنێ بکەی دێ بیتە جهێ ترانەپێکرنا خەلکی، بتنێ هزرا مە بوویە دامەزراندن یان ژی دبێژین مایێن بەری مە چ بو هاتیە کرن، هەمی ماینە بەتال ل سەر جادان.