خێزان و دویڤچونا سنێلەی

‎ڤەنێر بازيد
 قوناغا سنێلایەتیێ قوناغەكا زورا هەستیارە دژیێ مروڤی دا، کو ژ ژیێ ١٢ سالی ھەتا  ١٨ سالیێ یە و ئەڤ قوناغە دبیتە بنیاتێ ئاڤاكرنا كەسایەتیا مروڤی، لەوما بنیاتێ ئاڤاكرنا مروڤی ئەو ژینگەهە ئەوا تێدا دژیت و پێدڤیە لسەر هەر دەیك و بابەكی ژینگەهەكا ساخلەم بۆ خو پەیداكه ن و ب شێوەیەكێ هویر دویڤچونێ بۆ بكەت، لەوما دڤی بابەتی دا، دێ چەند خالەكان بەرچاڤكەم، كو خێزان دشێت سنێلێ خو ئاڤا بكەت:
‎ـ  خێزان دویڤچوونێ بۆ بكەت ب شێوەیەكی ترس و نە ئارامی لدەف سنێلەی پەیدا نە بیت.
‎ـ خێزان دیڤچونێ بكەت و بزانیت پەیوەندیێن وی دگەل كەسانێن دەوروبەرێن وی د چەوا نە و ئەو كەس كینە یێن سنێلەی پەیوەندی دگەل هەی.
‎ـ خێزان دیڤچونێ بكەت و بزانیت چ ئاریشە و ئاستەنگ هەنە د ڤی ژیێ هەستیاردا، كو سنێلە توشی گەلەك ئاریشەیان دبیت.
ـ دڤی ژیدا گەلەك جارا هزر و بیرێن سكسی لدەف ڤان کەسا پەیدا دبن، لەوما زورا گرنگە خێزان ب شێوەیەكێ ساخلەم رەوشەنبیریا سكسی بۆ شروڤەكەت.
‎هەلبەت ژ ئەگەرێ دیڤنەچونا خێزانێ بو سنێلەی، دێ بەرەف گەلەك ئاریشە یێن مەزن ڤە دچیت و دویر دبیت ژ خێزانا خو لەوما زورا یا گرنگە خێزان د ڤی ژیێ هەستیاردا دیفچونەكا زورا باش و ب شێوەیەكێ جوان بو  بكەت، دا كو بشێت سنێلەی ب باشترین شێوە پەروەردە بكەت  و دەیك و بابێن بەرێز تو بەرپرسی ژ ئاڤاكرنا زاروكی خوە.