توندوتیژیا دژی زارۆكان

رۆژین عەبدولرەحمان موستەفا
سەرەرای گرنگیپێدانا فەرمی ب مافێن ژنان و گەنجان و توندوتیژیا خێزانێ، بەلێ ھێشتا زارۆك یێ پشتگوھ ھاڤێتیە. بارودوخێ سیاسیێ عیراق ژ سالا 2019 وەرە كەفتیە دناڤدا، ھەر ژ خوە پیشاندان و رێژا زێدەییا بێكاریێ ژ ئەگەرێ پەیدا بوونا پەتایا كورۆنایێ و زێدەبوونا قەیرانێن ئابوری، دێ بینین ئاستێ توندوتیژیا خێزانێ یا بەرەڤ زێدەبوونەكا بەرچاڤ ڤە دچیت، لڤێرە پرسیار ئەوە، ئایا دێ ئەڤ ئازارە ب دووماھی ھێن، ئەڤێن دژی زارۆكی دھێنە ئەنجامدان و ئایا دێ پلانەك ھێتە دانان ژ بۆ پاراستنا زارۆكی؟؟
سەرەرای ھەولدانێن رێكخراوێن دەولی، ئەڤێن پشتەڤانیێ بۆ عیراقێ پێشكێش دكەن، بۆ ڤەدیتنا چارەسەریان ژ بۆ بنلدبوونا ئاستێ توندوتیژیا خێزانی و دەرێخستنا یاسایێن بەرسینگا ڤێ زێدەبوونێ دكەن، بەلێ نە رازیبوونێن سیاسی و ئابوری ئەڤ ھەمی پرۆژە پەكخستن، یێن دبنە ھاریكار ژبۆ كێمكرنا كێشەیێن خێزانێن عیراقی كو ژبەر ئازران دكێشن.
لدویڤ راپورتەكا یونسیف كو ئاماژە ب وێ چەندێ دای، ھەر ژ پێنج زارۆكان چار ژێ دكەڤنە بەر توندوتیژیێ، ئەڤەژی ھاندانەكە كو توندوتیژی زێدەتر لێبھێت و بگەھیتە ئاستێن مەترسیدار برێژا 80%ێ ژ زارۆكێن عیراقێ و ڤەكولینێن سیكولوجی یێن عەرەبی و جیھانی ژی گەھشتینە ئەنجامەكی، كو توندوتیژی خوە د چار سالوخەتاندا دبینیت و ئەو ژی (نەزانین، ھەژاری، گوشار و مەی ڤەخارن).
ھەبوونا توندوتیژیێ ژی گەلەك شوونەوارێن خراب ل سەر زارۆكی دھێلیت و ئەڤە ژی ئەگەرن، كو زارۆكەكێ نە ساخلەم و خودان شیانێن كێم مەزن ببیت و بكەڤیتە ناڤ كومەلگەھی ل ئایندەی.