هەوە هاژێ هەیە، نەوروز هەستێن هەژارا دئیشینت؟!

نازدار حەسن
نەوروز سەر سالا نەتەوەیی یا کوردان، هەلکەفتەکا کەڤن و مێژوییا کوردو و گەلەك نەتەوەێن دییە. ئەم وەک خەلکێ کوردستانێ هەر سال ب ئاهەنگ و جلو بەرگێن کوردی و کەیف خوشیێ ڤێ جەژنێ دگێرین! لێ دا پتر بەحس ل مێژوو‌‌ یا نەوروزێ نەکەم دا بەحس ل ئەڤرو بکەم دگەل نەورزێ!
 گەلەک کەس هەنە سەیرانا خو روژانێت نەورزێ دئینیت دخار جیاواز ژ سەیرانەکا هەژاران یان ژی دبیت خێزانێت هەژار هەر بەشدار نەبن نەوروز بە مانایا خوڤە روژەکا نوی، ل ڤێ روژێ هێزا دەولەمەندان لسەر لاوازیا هەژاران دهێتەدیار کرن دبیت روژێن ئاسایی خێزانێت هەژار هەست ب هەژاریێ نەکەن، وەک روژێن هەلکەفت و جەژنان و هەروەسا زاروکێن وان وەک زاروکێن دی جیاوازیەکی دبینیت، ل ناخەکێ پر خوزی و بێ ئومێدی بەرێخودەنە ڤا‌ن دیمەنان دڤان هەلکەفتان وەک هەر روژەکا دی ئاسایی و بێ تام و بسەر دبەت، هەلکەفت بتنێ بۆ کویرکرنا برینا وان و ڤەکرنا دەرگەهێن‌ خەم و هزرانە! و دلێ خو دا سەختیا و جیاوازیا بکێشیت لسەر ڤان روژان تا تەواو بن.
هوین مروڤ... چاوان‌ وژدانا تەرێکێ دەت کو هەمی ئەو تشتێ بتام و خوش پەیدا بکەی و بەرچاڤ بکەی ‌ل دەمەکی دا کو خێزانەک هەژار زاروکێن‌ خو ل پشت دیواران ڤەشارتینە، دا کو خوشیا زاروکێن هەوە نەبینت گری و نالینا زاروکێن وان ژ بو بەشداری کرنا ئاهەنگ و سەیرانان. تشتەکێ گەلەگ ناخ هەژینە کو مە هەمیان پشتا خوەدایێ هیڤیدارین پتر مەهاژ هەستێن ئێکو دو هەبیت و هاریکاریا ئێک و دو بکەین ئەڤە وەک هاولاتی. وەک دەستەلات: پێدڤییە بەری هەر هەلکەفتەکێ یان جەژنەکێ بەرپرس و دەستەلات هاریکاریا بەلاڤ بکەن لسەر خێزانێت هەژار و بێ دەستەلات یان ترومبێلێت تایبەت بو وان خێزانا پەیداکەن، وەک ل روژێن نەوروز دا کو زاروک و خێزانیت هەژار ژی هەست ب ڤان هەلگەفتێن نەتەوی بکەن. و بەشداری تێدا بکەن، چونکە هەر کوردەک بەهر یا هەی دڤێ خوشیێ و هەلکەفتێ دا.