وێرەکی سەرچاوێ گەهشتنا راستی یا نە

سەگڤان ئەرتیسی
بۆ گشت بابەتا مرۆڤ دشێت نێرینێن ژێکجودا ب ئازرینیت و بێخیتە بەر پرسیار و بەرسڤا و گەنگەشێن هزری و فەلسەفی ل سەر بکەت، ئێک دێ ئێکێ کێشیت و هەر ئێک دێ ل دویف وێ ئەوا مێشکی ب درێژاهی یا ژێ وەرگرتی دێ بەرەڤانیێ ژێ کەت. هەلبەت هەر ئێک دێ ژ لایێ خوەڤە خوە دروست زانیت و یێ بەرامبەر شاش و پاشڤەمای دانیت!
هەر مرۆڤەکێ بڤێت بگەهیت راستی یا بابەتا بگشتی، ئەو بابەتێن کەفتین سەر ئێک و بۆ وی و بوینە رێک و رێباز و سەرچاڤێن ژیارێ، و بەردەوام هەمی هێزا مێشکی و بەدەنی ژ پێخەمەت وی بابەتی د مەزێخیت و لەوانەیە هندەک جارا دگەهیت وی راددەی یێ ئامادەیە سەرا وی بابەتی خوە ژ کەسێن دەردوور و نێزیک سل بکەت و ل جهێ خوەش ڤیانێ کەرب و کین بهێتە ناڤ ژیارا واندا، یان هەتا هندەک جارا کوشتن ژی دروست بی یە، و گەلەک بابەتێن دی ئانکو ب کورتی ژین و ژیارا خوە دکەت دیاری بو هزر و کەسێن بەری وی ژیاین!!!
ل ڤێرێ ئەگەر مە بڤێت بگەهین راستی یا و چارەسەریا ڤەبینین، ب دیتنا من گەلەک یا ب زەحمەت نینە! بتنێ ب مێشکەکێ وێرەک ئەوی بابەتی ئەوێ تو پێڤە هاتییە گرێدان، بێخە بەر رەخنا، ئانکو ب مێشکەکێ وێرەکێ رەخنەی، بکەڤە بەر و نە ترسە، ب تنێ بۆ ماوێ سالەکێ دێ بینی تو یێ بییە مرۆڤەکێ دی و ئەو بابەتێ بەرێ تە بو دکرە گری دێ بینی تو یێ پێ دکەیە کەنی...