رەمەزان و گەندەلی....؟!

كوڤان حسێن
ئەم هەمی ب هەمی رەنگا ل هەمی جھـ و دەما دژی هەمی رەنگەكێ‌ گەندەلی و دەست پیسیێ‌ نە. ئەڤە هەمی گاڤێ‌ ل هەمی هەلكەفت و ریدانا ئەم دوپات دكەین، هەمی روشنبیر و سیاسیی و هەتا حكومەت بخوە ژی ئینكارا هەبونا ژمارەكا رەنگێن گەندەلیێ‌ ل كەرتێ‌ گشتی ناكەتن. زورن سوز و بریارێن حكومەتێ‌ بو نەهێلان و كێمكرنا گەندەلیێ‌ وە سەدەمێن وێ‌ و دەرگەهێن وێ‌.
ئەڤە یا بویە مورمال ل گوتنێ‌ و پروژێن حكمەتێ‌ ژی لڤی واری دا وارێ‌ نەهێلانا گەندەلیێ‌ بسەرێ‌ خوەنە. ئەڤە لسەر كەرتێ‌ گشتی بێژین یان یێ‌ سیاسی و ئیداری. ئەرێ‌ رەوشا دەستپاكی و گەندەلیێ‌ ل كەرتێ‌ تایبەت بجی رەنگی یە؟ كارەساتە ژ راستی ئەڤ پیچەكا میدیا و سوسیال میدیا بەلاف دكەتن لسەر وان كەلو پول و خارن و پێتڤێن روژێ‌ ێن ئیكسپایر بوی، ئەوێن ئامادە بو فروتنێ‌. راستی مروڤ هەمی دبیتە پرسیار ئەرێ‌ ئەگەر كەرتێ‌ گشتی كەس دخەما وی نەبیت، ئەرێ‌ كەرتێ‌ تایبەت هاوەلاتی بخوە خودانن ئەرێ‌ ئەگەر ئەف لیژنێن قایمەقامیا نەبان  ل هەمی كوردستانێ،‌ كی گونەها فروتن و خەرج كرنا ڤێ‌ (ژەهرێ‌) دهەلگریت. ل هەمی واری دا ل هەمی سیك و بازارەكێ‌ دا و ل هەمی روژا و ل هەمی باژێرا دیار دا ژناڤبرنا كەلوپەلێن خراب دەنگ و باسەك روژانەیە و جارا سەرمانشێتێ‌ روژنامەگریا كوردستانێ‌ یە.
 تشتێ‌ بالا من كێشای لسەرڤی بابەتی بنڤیسم ئەو بوو، كو كابرایەكێ‌ كورد ل كوردستانێ‌ (خورما گەنی) بو ئامادە دكر ل روژێن رەمەزانێ‌ ب فروشیت و دبیت كابرا ب روژی ژی بیت و رەنگە رەخنەگرەكێ‌ كەرتێ‌ گشتی ژی بیت ل وارێ‌ گەندەلیێ‌، داكو ئەو سەمبولا هەمی یچن وەك خویە لڤی وەلاتی.
راستی ئەڤە یە نوكە كەرتێ‌ تایبەت هەڤركیا كەرتێ‌ گشتی دكەتن ل وارێ‌ دەست پیسیێ‌ دا. ئەڤ هەمی گوتار و بابەتێن ئەخلاقی و رەوشتا ئەڤ هەمی مزگەفتێن مە هەمی سازێن مە یچن باسێ‌ دەست پاكیێ‌ دكەن بو كێ‌ دكەن.
هیج سیكەك هیج متایەك نینە تا نوكە ب كوژمێن مەزن نەهاتبن ژناڤبرن و هەر خودێ دزانیت ژی چەند ماینە و چەند دگەهنە مال و خێزانێن مە. هاولاتی دەرفەتا گڤاشتن و هەتا گوهورینا حكومەتان هەیە وەختا بخازیت. ئەرێ‌ هاوەلاتی ج چەكەك بەرامبەری گەندەلیا دناف مە وەك هاوەلاتی دا هەیە. بو نەهێلانا ڤێ‌ دیار دێ‌.من گرتی حكومەت لاوازە و شیانا دیڤجونێ‌ نینە وەك زور جارا درست بوی، ئەرێ‌ رەوشت و ئاین و وژدان و مروڤایەتی لسیكا كوردستانێ‌ ب جەندێ‌ یە؟!