ئەمریکا و حکومەتا کارتونی( House of cards)
3 مانگ پێش ئێستا
رزگار حەمید شەریف
دەستەڤاژەیا حکومەتا کارتونی (house of cards) ناڤێ سێریالەکا سیاسی یا فیلمێ ئەمریکی یە، کو ل سەر تۆرێن Netflix هاتە نیشاندان. ئەڤ فیلمە بەحسێ
شێوازێ دارشتنا سیاسەتا ئەمریکا و چاواتیا چوونا ناڤ کۆچکا سپی ب رێکێن نە ساخلەم
دکەت.
فیلمێ خانیێ کارتونی نیشان ددەت کا چاوا سەرۆکێن ئەمریکا ب رێکا گەندەلی و
وەرگرتنا پارا ژ کۆمپانیایێن چەکی و رێکێن نە یاسایی و گرێدانا هەڤپەیمانیێن نە
ساخلەم و کوشتن و ژ ناڤبرنا هەڤرکێن خوە دگەهنە سەر کورسیێ و پاراستنا بەرژوەندیێن
وان شەریکاتێت چەکی دکن ل سەر کورسیێ. د خەلەکێن دەستپێکێ دیار دبیت کۆ سەرۆکێ ئەمریکا Frank
Underwood دەردکەڤیت رەگەزباز و خێزانا سەرۆکی پەیوەندیێن سێکس دگەل کەسێن دەرڤەی زەواجا
خوە هەیە.
دڤی فیلمیدا سەربۆرێن چەندین سەرۆکا وەک بیل کلینتون و پەیوەندیا سێکسیا ب
مونیکا لوینسکی و تەشقەلێن حوکمداریا دۆنالد ترامپی نیشان ددن. ئەڤ چەندە دیار دکەت
کو بۆ گەهیشتن بۆ کۆچکا سپی و مانا سەر کورسیێ سیاسەتمەدارێن ئەمریکی دەست ب گەلەک
رێکێن بێ رەوشتی و نە یاسایی دبن ژ وان گەندەلی و سێکسا دەرڤەی زەواجێ و وەرگرتنا
بەرتیلێ و کوشتن و ژ ناڤبرنا هەڤرکێن خوە ب شێوەیێن نە دیموکراسی.
ل داویێ خێزانا سەرۆکێ ئەمریکا ب رێکا هەڤرکێن زەلامێ خوە حەولا کوشتنا وی
ددەت و پچ پچ ب ژ ناڤبرنا هە ڤرکێت خوە ب شێوازێن بێ رەوشتی و نە یاسایی Claire
Underwood دبیتە سەرۆکا 47 یا ولاتێن ئێکگرتیێن ئەمریکا.