بوچی كچ باجا پەروەردەییا خوە بدەت و كور نە؟

ئاڤي سەبری
دایك و باب بەرپرسن ژ پەروەردەكرنا كوری و كچی ھەردووكان، لێ ل دووماھیێ كچ باجا ڤێ پەروەردەیێ ددەت و دێ بینی كچێ ھەڤژینیێ دگەل دانعەمرەكی كر، ل سەر خاترا خێزانا خوە، ژبەركو ئەو كەسە یێ دەولەمەندە و دێ گەلەك پاران دەت یان بەرژەوەندیێن دەیك و بابێن وێ دێ باشتر بن دگەل وی كەسی و ل ئالیەك دی، ھەتا ڤێ چركەیێ ژی حالەتێن پێگوھوركیێ لھندەك جھان یێن ماین، چ پێگوھوركا برای بیت یان بابێ. ئەگەر بەحسا شووكرنا وێ و دەرەفەتێن شویكرنێ بكەین، باب یێ بەرھەڤە بۆ كوری ل ھەڤژینەكێ بگەریت بەلێ باب یێ بەرھەڤ نینە بۆ كچێ ل ھەڤژینەكی بگەریت و ئەو كچا دمالا بابێ دا قەیرە دبیت، دبیتە خزمەتكار بۆ خێزانێ ھەمیێ و كچ وەسا یا پەروەردە بووی، كو بكەیف خوشی وێ خزمەتكاریێ بكەت.
د سەر ڤان ھەمیان ژی را ئەگەر بەحسا میراتی بكەین، دوو ھند یێن كورینە و د سەر ڤێ دوو ھندێ ژی را، پرانییا جاران دێ كچێ ئێخنە تایێ شەرمێ كو وێ بارێ ژی بۆ كوری بھێلیت و ب كورت و كرمانجی، دڤێت كچ باجا وێ منەتێ بدەت، ئەڤا دەیبابێن وێ وێ ب خودان دكەن.