رەخنەگرتن و رەخنەگرێن مە!

لاوین سلێڤانەی
ئەز دبینم رەخنەگرتن خالەک ئەرێنی یە، ئەگەر مللەتەکی رەخنەگرێن خوە هەبن و ب وێ رەخنەگرتنێ ئەو مللەتە دێ ب سەرکەفت ب تایبەت ئەگەر ب روونی و هویری رەخنە بهێتکرنێ و سەر شێوازەکی زانستی بت، ئانکو بکورتی ئەگەر رەخنەگرین ئاڤاکەربن ئنیەتا وان پێشئیخستن بت، نەکو رەخنەگرین، خرابکربن و ئنیەتا وان تێکدان بت.
 بەلێ مخابن ل کوردستانێ رەخنەگرتنێ خەلک ب دژایەتی وەردگرن، ئەگەر تو رەخنێ ل تشتەکێ بگری، دێ بێژن تە ئەڤە هیلا سورە نە ئاخفە، دێ بێژن کەربین تە ژێ ڤەدبن و تە نەڤیان بەرامبەر یا هەی  ژبەر هندی تو رەخنێ لێ دگری، ئەز بخوە بەروڤاژی دبینم ئەگەر مرۆڤەک تێگەهشتی بت ب تایبەت کەسەکێ خودان بەرپرساتی بت، دێ سینگی وی ڤەکری بت بۆ هەر رەخنەکێ چونکی ب وان رەخنەیا دێ رێکا خوە یا سەرکەفتنێ زانت، بەس خالا ئاماژە پیدانێ ل ڤێرێ ئەوە  پێدڤیە ل دەستپێکێ خەلک رامانا پەیڤا رەخنە تێبگەهن و بزانن چ مەسەلەیە دا کەسێ رەخنەگر و خەبەربێژ ژێک جوداکەت و نەکەت د ئێک خانی دا.
نوکە گەلەک کەس ل ژیری ناڤێ رەخنێ، خەبەرا دبێژن خەلکێ ئەو ب هیچ رەنگەگێ نابت رەخنە، رەخنەگر ب دیتنا من ئەوە رەخنی ل تشتەکێ دیارکری بگرت ب شیوازەکێ جوان رەخنەیا خوە دکت و خالێن لاوازیێ دیاردکت و خالێن چارەسەری دیاردکت دڤیت گوهورینەك پەیدابت بەرەڤ باشتربت، پێدڤیە حکومەت و لایەنین سیاسی و حزبی خوشحالیا خوە دەربرن ب هەبوونا رەخنەگران چونکێ ئێک خەلەتیا و کیماسیا دیاردکن، دوو ڤیت پتر هشیاربن کو چینەک د جڤاکی دا یا هەی ئیدی د ژیانێ دگەهت و دزانت چ خەلەتە و چ درستە .
 ئەز دبێژم رەخنەگرتنەک ئاڤاکەر و بێ خەبەر و قەسین کریت گەلەک ژ بێ دەنگیێ باشترە، چونکی هەتا ئەو کەسێ بێ دەنگ رەخنی بگرت، ئەگەر رەخنەگری هێز هەبی ل وی دەمی رەخنەیا خوە دێ گوهارت و دی شیت بکت کریار، ئەز دبینم پێدڤیە رەخنەگر بێ لایەن بت ژی نەکو لایەنێ حزبا خوە بگرت و بهاڤیژت حزبەک دێ، بەلکو دڤیت رەخنەیا وی هەر کەسێ بەرپرس ژ خەلەتێ بخوەڤە بگرت ئەگەر ئەو بخوە ژی بت، دیتنا من و تیگەهشتنا من بۆ رەخنێ ئەڤەیە، ئەز دبینم ب رەخنەگرتین گوهورین ل وەلاتان چیدبن، ئیکودوو  قەبیل کرن زیدەتر دبت .