وەرزش یان ئاژاوەگێری؟

حازم عەلی
وەرزشکرن پێدڤیەکا رۆژانەیا ژیانا مرۆڤییە، لێ دڤێت وەرزش د ژینگەھەکا ساخلەم و دویر ژ ھەر توندوتیژیەکێ و فشارەکا دەرەکی و دەمارگیریێ بیت. د بنەمادا وەرزش دھێتە کرن ژبۆی ئارامبوونا دەروونی و بھێزکرنا پەیوەندیان دناڤبەرا تاک وگروپ و چڤاک و ژینگەھا دەوروبەر...

دچڤاکێ مەدا ژبەر نەپاقژیا ژینگەھا سیاسی و ئابوری و کۆمەلایەتی گەنج و لاوێن مە ھێشتا نەشیاینە وەزشێ بکەنە پرەک ژبۆی بھێزکرنا پەیوەندیان رێزێ ل ئاکار و یاسایێن وەزشێ و مرۆڤایەتیێ بگرن...

شەرەبوکس و چڤیندان نھا بوینە دیاردە د دوماھییا یاری و خولێن وەرزشین ناڤبەرا یانێن مە. ژبلی کولتورێ شەرستانیێ شکاندنا کورسیکێن ھاندەرا و شێواندنا یاریگەھێ. بێ کوو ھزر ل وێ جەندێ بکەن، ئەو وەرزشڤان و ھاندەر ھەمی ل ئێک رەگەزێ نەتەوی و مرۆڤایەتینە.

پێتڤیە لایەنێ شۆلەژێ ب گوێرەی یاسیایێ سەرەدەریێ دگەل ڤان کەس و یانانە بکەت، کۆ دبنە ئەگەرێ ڤان کارێ نەشارستانی و رەفتارێن نەگونجایی ھەروەسا دگەل ڤەکرنا خولێن وەرزشی خولێن پێگەھاندنا دەرونی ھۆشیاریا کۆمەلایەتی بۆ وەرزڤان و وەرزش دۆستان ڤەکەن ھەروەسا وانا وەرزشێ د پرۆسەیا پەروەدێ ژلایێ پسپۆرێن وێ بھێتە گۆتن و گرنگیا تایبەتا خۆ ھەبی وەکی وانێن دیکە...