رێ ورسمێن ئیمزاكرنا په‌رتووكان و شیشلتووكا مرۆڤان ل جهێ به‌لاڤكرنا په‌رتووكان

مسنه‌فا عه‌بدورحمان ئه‌ره‌دنى
ئیمزاكرنا پەرتووكان ژلایێ نڤیسه‌رێن پەرتووكان ڤه ل ڤان سالێن دوماهیێ یا بویه نه‌ریته‌ك، دێ بینین ده‌زگایه‌كى یان سه‌نته‌ره‌كى و داخوازنامه‌ك راگه‌هاندن و گوت (فلان رۆژێ ل فلان جهى ئیمزاكرنا فلان په‌رتوو‌كێ یان چه‌ند پەرتووكان یێن فلان نڤیسه‌رى) یه‌، ل رۆژ و ده‌م و جهێ دیاركرى ژماره‌كا ره‌وه‌شه‌نبیر و نڤیسه‌ر و ره‌وشه‌ندوست و دیسان هه‌ڤال و براده‌رێن نڤێسه‌رى دێ ل وێ ڕێ و رسمێ ئاماده بن و پشتى په‌یڤێن بخێرهاتنێ و دانه‌نیاسا پەرتووكێ و ئه‌گه‌ر دان و ستاندن و گه‌نگه‌شه لسه‌ر پەرتووكێ هه‌بیت دێ كه‌ن و پاشى دێ پەرتووك ل سه‌ر ئاماده‌بویان هێته به‌لاڤكرن.
یا من مه‌به‌ستێ پتر پێ ئه‌ڤ (برگه‌)یه‌، بێ سه‌روبه‌ریه‌ك دبه‌لاڤكرنێدا دیار دبیت هه‌ما هه‌ر نه‌بێژه هه‌ر ئێك دێ ل جهێ خۆ رابیت و ژ جه هێرش كه‌ته سه‌ر جهێن پەرتووك لێ هاتینه دانان, باوه‌ر بكه‌ن ل هنده‌ك دیمه‌نێن به‌لاڤكرنا پەرتووكاندا دیمه‌نێن خوپانا (چه‌لێ) دهێته به‌ر چاڤێن مرۆڤى ل ده‌مێ خه‌لكى هێرش دكره ئوتومبێلێن خوارنێ. وه‌سان هێرش دكه‌نه سه‌ر پەرتووكان, مامو هوسا نابیت هوین ره‌وشه‌نبیرن و نه‌كه‌سێن ئاسایى نه‌.
 له‌وما چه‌ند تێبینی و پێشنیاره‌كان دئێخمه به‌رده‌ستێن نڤیسه‌ر و وان ده‌زگا وسه‌نته‌ر و جهێن سپونسه‌ریا ڤان چالاكیان دكه‌ن وپێ رادبن:-
1- دڤێت ل هه‌ر جهه‌كێ ئیمزاكرنا پەرتووكان لێ دهێت كرن، پێدڤى یه به‌رى هه‌ر تشته‌كى كورسیكێن رونشتنێ ل وى جهى بهێن هژمارتن چه‌ند كورسیكن هند پەرتووكان ل وێرێ بهێن ئاماده بكه‌ن, چونكه ل گه‌له‌ك چالاكیان پەرتووك ب نیڤه‌كا وان كه‌سانرا ناگه‌هن یێن ل ویرێ ئاماده بوین و ئه‌ڤه ژى كێماسى یه بۆ نڤیسه‌رى و وى جهێ ب چالاكیێ رادبیت.
2- فه‌ره نڤێسه‌ر یان ئه‌و جهێ ب چالاكیێ رادبیت دوو سێ گه‌نجان ئاماده بكه‌ت و هێژ ئاماده‌بوى د رونشتى رێز رێز پەرتووكان ل سه‌ر وان به‌لاف بكه‌ت و هه‌ر ئێك ل جهێ خۆ بمینیت, و هه‌ر كه‌سێ بڤێت ئیمزا نڤیسه‌رى ل سه‌ر پەرتووكێ بیت نڤیسه‌ر دشێت پشتى هینگێ بۆ ئیمزا بكه‌ت.
3- ئه‌نجامدانا هنده‌ك چالاكى وه‌كو ژ خۆڤه‌كرنێ دهێن به‌رچاڤ و هند گرنگى پێ ناهێت دان، ئه‌ڤه ژى كێماسى فه‌ره گرنگیه‌كا باش پێ بهێتدان ژلایێ رێكخه‌رێن وێ چلاكیێ ڤه‌.
4- ئه‌و په‌یڤێن دهێن خواندن دپۆخت واتاگه‌هین بن، نه‌ درێژ و بێ رامان بن.