شانوگەریا دەروێش یان گودو یان (خوزی ئەز نەچبامە پێش!)

عبدالرحمن بامەرنی
ئەز دێ دووماھیێ بێژم بۆچی من گوت (خوزی ئەز نە چبامە پێش ڤێ شانوگەریێ)، ژبەركو گەلەكان بەشداری دڤێ شانوگەریێ دا كربوو و ل سەر دەپێ شانۆیێ ئەكتەری دكر، براستی ژی بیت شیانێن جوان ھەبوون، لەیزتكاڤێن زیرەك بوون و گەلەگ جاران دەما من ل سەر شانوگەریان دنڤیسی، من دگوت دڤێت ئەم كەلتورێ شانوویێ دروست بكەین و ئێكەم پێنگاڤ، ئەم بینەری لێ ئاشنا بكەین و من ئەڤە دڤێ شانوگەریێ دا دیت و دەستێن وان خوش.
جارێ ئەڤ شانوگەریە بەرھەمێ زانكویا دھوك، كولیژا زانستێن مرۆڤایەتی، پشكا دراما بوو و ئەڤە شانوگەرییا سیێ بوو دڤان سێ رۆژاندا دھێتە پێشكێشكرن و بوویە ئەز دێ تێبینییا خوە نڤیسم و ئێكەم تشت، ئەز رەخنا خوە ل گیروبوونا نمایشكرنێ ناگرم، كو ئەز باوەرم بەرپرسەكی تەشریف ئینابوو پێش نمایشێ و ئەڤە بخوە پێنگاڤەكا باشە و دێ وێ پێنگاڤێ ب بەر گیرۆبوونێ ئێخین و سەر ب سەر. یا من دڤێت ئەز بەحس بكەم، لایەنێ پشت پەردێ یە یێن بڤێ شانوگەریێ رابووین، دیمەنێن دووماھیێ، ئەڤێن جلكێن شاویشێ تورك ل بەر و سەرھەڤسارێ كەسەكی دگرت و دیمەن چ رامان ژی بیت، كو بھزرا من رامانا وێ یا بەرچاڤ بوو، دڤیابا زانكویێ بھیچ رەنگەكی رێ بڤێ نمایشێ نەدابایە، لێ ھیڤیێ دكەم خواندنا من یا شاش بیت و وەسا نەبیت و ئێك من سەر راست بكەت.
لێ بتنێ دێ بێژم، خوزیا مە ھونەر، شعر، چیرۆك، موزیك و سترانێن خوە تێكەلی سیاسەتێ نەكربانە و ئەڤە بھیچ شێوەیەكی خزمەتا مەناكەت.