سیستەم بتنێ شووشتنا پارێ رەشە و سپیکرنا وییە!

ھەڤال بەرواری

ژ پرۆژێن بیناسازیێن بەرفرەهـ ل هەرێما کوردستانێ مەندەهوش نەبن و تایبەت ل هەولێر و دهوکێ و دەمێ ئەم پرۆژێن تاوەرا ئێک دویف ئێکێ دبینین و هەمی (40) قات و ب سەرکەڤە، ژبلی باژێرێن بەهەشت و خەونا و یا ژ وێ سەیرتر، دەمێ تو پسیار دکەی کی ڤان شوقێن ب (15) دەفتەرا و هەتا دگەهیتە (30) دەفتەرا و سەرداتر دکریت؟؟ و ل هەرێمەکێ کو یا ژ قەیرانێت ئابووری و بێ پارەیێ دنالیت و هەوڵاتیەکێ بێ کار و فەرمانبەرەکێ مووچە لێ بری؟! و دەسهەڵاتەکا بەردەوام دبێژیت: ئەم ب ملیارا دینارا د دەیندارین!!!

لێ بەرسڤا وان و جهێ لێ راوستیانێ یە دەمێ دبێژن: (باوەربکە هێشتا مە ریكلام بۆ نەکری، هەمی دهێنە فروتن (یان دبێژن  (هێشتا مە دەست ب پرۆژەی نەکری هەمی حجزدبن). یان دبێژن (هندەک ئێک بلوکێ ئاڤاهیێ یا تاوەران هەمیێ حجز دکەت و دکریت).

یا جھێ پرسیارێ كییە ڤان ئاڤاھییان دکریت؟ ئایە یا بەرئاقلە خواندنامە بۆ ئاستێ ئابووریێ هەولاتی یا دروست نەبیت؟ ژبەر هندێ هەوڵاتی دکەڤیتە حەیرەتێ و مەندەهوشیێ. لێ یا دروست ئەڤ پرۆژێت ئاڤاکرنا (هیستیری)، کو بلەز هەر جهەکێ د بینن ئەڤ (وەبەرهێنەرە) دەستێ خو دانیتە سەر و بلەز ئاڤاهیێن تاوەرا ئاڤادکەن، بێ سیستەمەکێ باژێرڤانی و بیناسازی و هزرا رێژا ئاڤێ بۆ ئاکنجیێن تاوەرا و کارەبێ و رێک و بانا و جهێن جوگرافی، هەتا هزرا ئاراستە و کەزاتیا (هەوای) یان هزرا لافاوێت ژ ئەگەرێن هاتنا بارانێ بکەن.

ئەڤە هەمی پارێ رەشە یێ ب رێکێن نەیاسایی بدەستخوڤە ئیناینە ل عیراقێ یان ل هەر جهەکێ دی، کو پارێ گازێ یە یان هەر کارەکێ نەیاسایییە و ئەڤ پارە بهیج رەنگەکی نەشێن بدەرێخینە دەرڤەی وەڵاتی، ژبەر ل دەرڤەی وەڵاتی ل ئوروپا و ئەمریکا و هەتا تورکیا دیڤچوونەکا هویر بۆ هەر پارەکی دهێتەکرن، کا ژکیڤە هاتیە و ژێدەرێ وی کیرێ یە!! وهەر دولارەکێ جهێ گومانێ بیت، دێ دەستێخو داننە سەر !!!!

لەوما پرۆژە ئەوە پارێ سەخت و ئەڤ سەروەت و سامانێ مللەتێ عیراقێ یان هەر پارەکێ ژێدەرێ وێ یێ دروست نەبیت، لڤێرە دهێتە شووشتن و سپیکرن، ڤێرە یا بویە کارخانا شووشتنا پارێ رەش و سەخت و پاقژکرنا وێ دا بشێن ڤی کوژمێ پارا یێ زور  بەرەڤ ئوروپا بەن و ئەمریکا و هەکە پسیار لێ هاتە کرن، دێ بێن ئەڤە پارێ ڤان پرۆژێ تاوەر و بیناسازیانە و گوندێن ڤیلێن پروفیشوناڵن و ئەڤ پارە هەر نازڤریت دا هەوڵاتیێ هەرێمێ مفای ژێ بینن!

لێ هەر ئەڤ پسیارە دهێتەکرن  (ما ئەو کیە ڤان پرۆژا دکریت وبکوم کومە!).
بەرسڤ یا ئاسانە :هەر ئەو بخو دکرن ب ناڤێت حەرەکی (وەهمی)!! کو هندە هەوڵاتینە لێ دکرێ گرتینە ،بەس ئەو تنێ واجیهەنە بو خودانێ پرۆژەی یێ سەرەکی ژبەر ئەگەرێت هەین، کو خودانێ پرۆژەی بخو ژی نەخودانێ سەرەکی بیت.....!