دۆخی ریاڵ مەدرید و ئەگەرەكانی كۆمەڵەكەی

4 مانگ پێش ئێستا

هەكاری قانع
رەنگە لای هەندێكتان جێگای قبوڵ نەبێ، بەڵام ریال مەدریدی زیدان دوای گەڕانەوەی لە دوای رۆیشتن یانەیەكە بە دەگمەن یارییەك هەیە یارییەكی تاكتیكی بكات، یانەیەكە وەكوو ئەوەیە راهێنەر و راهێنانیان نەبێ، تەنها لە كاتێكدا كە تیپی بەرامبەر لە رووی تاكتیكیەوە خراپتر دەركەون.

راستە پێكهاتەی ریال مەدرید ئەو پێكهاتەیە نیە كە هێندەی سێ وەرز پێش ئێستا بەهێز بێ بەڵام ناشكرێ بەرامبەر ئالاڤێش و شاختار و قادش توشی كێشەی تاكتیكی بیت (تیپی بەرامبەر كەی بیەوێ بگات بە گۆڵەكەت و تۆش نەتوانی هەلی راستەقینەی گۆڵ درووست بكەیت ).
ئەمە نیشانەیەكی پرسیاری گەورەیە لەسەر زیدان كە ئایا دەكرێ بەبێ رامۆس و كاسمێرۆ هەمیشە تووشی ئەو كێشەیە ببێتەوە؟ ئەی ئەو زەخیرەیەی پێشتر دروستی كردبوو كە یەدەگ و سەرەكی هاوشێوەی یەكتر بوون كوا؟ 

راستە ریال مەدریدی دوای كۆرۆنا لالیگای بەدەست هێنا بەڵام بەلای منەوە ریال مەدریدی دوای كۆڕۆنا خراپترین ریال مەدریدە لە رووی تاكتیكیەوە لە دوای ریال مەدریدی 2009 ەوە هەرگیز ریال مەدرید بەو شێوە تاكتیكیە خراپە دەرنەكەوتووە !

ئەگەرەكانی كۆمەڵەكەی
پێنج گەڕ ئەنجامدراوە و یەك گەڕ ماوە 
لە كۆمەڵەی B هەمووان هیوای سەركەوتنیان هەیە 
- میوشینگلادباخ 8 خاڵی هەیە یاری داهاتوو بەرامبەر ریال مەدریدە، بە بەرامبەر بوون راستەوخۆ سەردەكەوێ، بە بەرامبەر بوونی یاری شاختار و ئینتەر میلان بە هەمان شێوە راستەوخۆ میوشینگلادباخ سەردەكەوێ.
- شاختار دووەمی كۆمەڵەكەیەتی بە 7 خاڵ بەرامبەر ئینتەر میلان یاری دەكا ، بە بردنەوە راستەوخۆ سەردەكەوێ، بە بەرامبەر بوونیش پێویستی بە شكست یان بەرامبەر بوونی ریال مەدریدە بۆ سەركەوتن.
- ریال مەدرید سێیەمی كۆمەڵەیەكەیتی بە 7 خاڵ ، ریال مەدرید پێویستی بە بردنەوەیە یاخوود ئەنجامی باشتر لە شاختار ، بۆ نمونە (ریال بەرامبەر بێ پێویستە شاختار شكست بهێنێ ). 
- ئینتەر میلان هیوایەكی زۆر باشی بۆ گەڕاوە دوای سەركەوتنەكەی ئەمشەو، بە بردنەوە راستەوخۆ سەردەكەوێ بۆ قۆناغی داهاتوو بەڵام نابێ ریال مەدرید و بروسیا یەكسان بن دەبێ یەكێكیان براوە بن .
تێبینی: لە كاتی هەبوونی هەمان خاڵ لە نێوان دوو تیم لەو پاڵەوانەتیانەی یوفا سەرپەرشتیان دەكا جیاوازی ئەنجامی نێوانیان هەژمار دەكرێ نەوەك گۆڵ .