چاككردنەوەی پەردەی كچێنی

3 مانگ پێش ئێستا

د. دیلمان ئازاد حەسەن
لەسەرەتا بابەتیكم نووسی لەسەر چاككردنەوەی پەردەی كچینی زۆر لاتان سەیر بوو، چۆن دەست بۆ ئەم بابەتە ببەین كەچی ئەوە واقعی كۆمەلگایە و ناتوانین ئینكاری لێبكەین... 
خۆی لە خۆی پەردەی كچینی شوێنیكە خوێنی كەم بۆ دەچێت واتا هەر برینێك لەوێ ڕووبدات وەك شوێنەكانی تری جەستە نییە لەخۆیەوە چاك ببیتەوە.. ئێستا لەڕووی زانستی برین لە هەر شوینیك ڕووبدات لەجەستە زۆر بەئاسانی دوای ماوەیەك چاك دەبیت بەڵام لە پەردەی كچینی مەحاڵە خۆی چاك بێتەوە. 

ئەوەی لە كوردستان دەگوزەری ئەم بابەتە بووە بە بازرگانی و بزنس و پارە كۆكردنەوە دوور لەهەموو بەهایەكی زانستی و ئایینی و ئەخلاقی بەداخەوە... 
لێرە كۆمەلە كەسیك كە ئەو كارە دەكەن دوورن لە مرۆڤایەتی، تەنها دەزووەك دەهێنن لەوبەری پەردەی كچینی بۆ ئەوبەری پەردەی كچینی دایدەنێن ئەویش نابێت لە ٤٨ كاتژمێر زیاتر بێت.
 شەوی هاوسەرگیری كە داوەكە لادەچێت خوێن دێت واتا ئەوە چاككردنەوە نییە ئەوە هەڵخەڵەتاندن و فێڵ كردنە لە دەوروبەر.. ئەمە كاری قیزەونی ئەم كەسانە پیشان دەدات كە چۆن ئەم كارە دەكەن و بازرگانی پێوە دەكەن بەداخەوە...
زۆر جار ئەو كەسانە دەڵێن چاكمان كردۆتەوە كەچی لە راستیدا چاك نەبووە كە كچەكە بە دڵنیایی هاوسەرگیری دەكات ئینجا كاری تر لەدوای ئەوە ئاشكرا دەبیت.. 
با هەموومان هەولبدەین بۆ راگرتنی ئەوكارە كە بەنازانستی و نایاسایی لەنیو كۆلانەكان لەتاریكی دەكرین. 

پرۆفایل
 دكتۆرە دیلمان ئازاد حسن 
پسپۆری پزیشكی دادوەری 
مامۆستا لە كۆلیژی پزیشكی