ماچ كردنی مناڵی بچووك

11/02/2021

د. كۆچەر عمر
ماچ كردنی مناڵی بچووك وەك دەربرینێكی خۆشەویستی لەلایەن گەورەكانەوە سەیر دەكرێت، بەڵام لەڕووی زانستیەوە بەشێوەیەكی جیاواز سەیر دەكرێت بەهۆی ئەوەی هۆكارە بۆ گواستنەوەی زۆر نەخۆشی پێست و كۆئەندامی هەناسە. 

باشترە مناڵ تاكو شەش هەفتەی یەكەمی ماچ نەكرێت لەلایەن گەورەكانەوە و مناڵەكەش  بپارێزرێت لە بردنی بۆ ناو كۆبوونەوە كۆمەڵایەتییەكان،  چونكە هۆكارێكی سەرەكیە بۆ گواستنەوەی چەندین نەخۆشی ڤایرۆسی كە بەهۆی كەمی بەرگری جەستەیانەوە مەترسی جددی دروست ئەكات لەسەر ژیانیان و بەتوندی نەخۆش دەكەون. 

وە باشترە هەر ماڵێك مناڵی تریان هەبوو وە ویستیان مناڵی تازەلەدایك بوو بگرنە باوەش  پێویستە دەستەكانیان پاك بشۆن پێش دەستدان لە مناڵی تازەلەدایك بوو بەو هۆكارەی كە دەست لێدان لەمناڵی تازەلەدایك بوو دەبێتە هۆی گواستنەوەی نەخۆشی لەنێو مناڵانی ساوادا، هەروەها بەركەوتنی پێستی گەورەكان بە ڕوومەتی مناڵ ی ساوا هەندێك جار دەبێتە هۆی گواستنەوەی نەخۆشی جۆراوجۆر و هەستیاربوونی پێستی مناڵی ساوا بەهۆی ئەوەی كە پێستیان ناسكە و بەرگەی ئەو لیك و پێكهاتە جیاوازانەی نێو لیكی گەورەكان ناگرێت و هەستیار دەبێت پێی و توشی هەستیاری و تەنانەت هەوكردنیش دەبێت...


پرۆفایل:
د. كۆچەر عمر
پسپۆری نەخۆشییەكانی منداڵان و تازە لەدایكبووان