نادادپەروەری وڵاتێكی پڕتاوان

21/02/2021

بێریڤان مەحمود
دەمانكوژن، دەمانبڕن، دەماننێژن، زمانمان دەبڕن، ئەگەر سەرمان نەبڕن دەمانسووتێنن، لە ناومان دەبەن بە ناوی شەرەف و نامووسپەرستیەوە، بەڵام نەمبینی ڕۆژێ دادگا و یاسای ئیفلیج پیاوێ لەسەر كووشتنی ژنێ لە سێدارە بات!! چونكە تاوان هەر تاوانە بێ جیاوازی ڕەگەز، كەچی ژنێكی بەدبەخت كە نازانێ لە ناو چ جەهەنەمێكی پیاو سالارو كۆمەڵگایێكی دەمارگیری ناموسپەرستا ژیاوە دێن و بڕیاڕی لە سێدارەدانی بۆ دەردەكەن، كە بە مەرجێك ئەو ژنەی بڕیاری لە سێدارەدانی بۆ دەرچووە پێوویستی بە كووشتن نەبوو چونكە خۆی مردووە، بەڵكو پێوویستی بە چارەسەری دەروونیە. 
ئەمە نەگبەتی نادادپەروەری ئەو ووڵاتە پڕ لە تاوانەیە، كوان ئەو ڕێكخراوانەی باس لە مافی مرۆڤ دەكەن. 
من ناڵێم ئەو ژنە بێبەشە لە تاوان بەڵام گەورەترین تاوان خوێتی وەك بوونی لە ناو ئەو عەمامە بەسەرانە، بە تاوانی لە دایك بووە تاوانی دووهەم گەورە بوونی بوو وەك ژن لە ناو ئەو كۆمەڵگایە، بۆیە بە هەموو هێزو تواناێیكم دژی دادگای لە سێدارەدانم.