ئایا بۆمان هەیە بپرسین (NRT) بۆ وا دەكات؟!

2 مانگ پێش ئێستا

د. یەحیا عومەر رێشاوی
لە ماوەی تەنها سێ شەودا و لەهەواڵەكانیدا، كەناڵی (NRT  ) راپۆرت لەسەر یانە شەوانەكانی لەشفرۆشی هەرێمی كوردستان بڵاو دەكاتەوە و بریارە هەر لە هەواڵەكاندا زنجیرە راپۆرتێكی هاوشێوە بڵاو بكەنەوە..

ئەم خەستكردنەوەی هەواڵە لەسەر ئەم پرسە و پیشاندانی كۆمەڵگەی كوردی بەم شێوازە، بەتەواوی دوورە لە پرنسیپی میدیایی (بەرپرسیارێتی كۆمەڵایەتی) و وێنەیەكی شێواوی كۆمەڵگەی كوردی پیشان دەدات..

پرسیارە جەوهەریەكان، لەسەر ئەم پرسە ئەمانەن:
- ئایا هیچ كاتێكی گونجاوتر نەبوو بۆ وروژاندنی ئەم بابەتە جگە لە هەواڵەكانی كاتژمێر 8، لە كاتێكدا خێزانەكان لە هەرێمی كوردستان لەم كاتەدا پێكەوە موتابەعەی هەواڵەكان دەكەن؟
- ئایا نەدەكرا ئەو بابەتە بوروژێنرێت، بەڵام ئەوەندە نێو یانەكان و جەستەی كەسەكان و هەندێ جار دەموچاویشیان پیشان نەدرێت؟
- ئایا نەدەكرا ئەم بابەتە لە نێو یەكێك لە بەرنامەكانی كەناڵەكە بخرێتە روو، بە ستایڵ و شێوازێكی تر؟
ئەمانە و چەندین پرسیاری تر روبەرووی ئەم كەناڵە دەكرێتەوە؟


•ئەم كورتە نوسینە لە دیواری فەیسبوكی نوسەر وەرگیراوە: