تورك و سینەمای مصری...

2 مانگ پێش ئێستا

شیلان جەلال
جاران، زۆربەمان سەرسام بووین بە ئەكتەرە جوانەكانی سینەمای مصری كە لەنێوان ساڵانی چلەكان تا كۆتایی هەشتاكان پانتاییەكی فراوانی هونەریان داگیركردبوو.
هەرگیز بەلامانەوە گرنگ نەبوو بزانین بەڕەچەڵەك ئەو كچانە خەڵكی كوێن و چۆن گەیشتوونە ئەوێ، بەڵام لە ڕەنگی پێست و قژ و چاو و ڕوخساریان دیاربوو كە مصری نین...
زۆرینەیان؛ جگە لە چەند دانەیەكی وەك نادیە لوتفی و لوبنی عبدالعزیز منی و ئامال فرید و فاتن حمامە؛ ئەوانەی تر یا تورك و شەركەسی و ئەرمەنین، یا سوری و لوبنانین.
لەوانەش، بەشی زۆریان توركن، لە ئەكتەرە هەرە جوان و سەركەوتووەكانن.

تورك لە سەرەتای سەدەی ڕابردوو باشتر توانی تێكەڵی جیهانی دەرەوەبێ، بە هونەر و ئەدەب، كەچی لەو سەدەیە پشكی شێری بەركەوتووە لە تیرۆر و ئاژاوە و شەڕەنگێزی، لە هەموو ڕۆژهەڵاتی ناوەڕاست و تەنانەت هەر زوو زووش هەڕەشە لە ئەوروپا ئەكا بە كردنەوەی دەروازەكەی بۆ تەوژمی پەنابەران.

ئەگەر جاران خانمە بەهرەوەرەكانیان سینەمای عەرەبیان برەو پێدابێ، ئێستا نەك هەر سینەمای عەرەبی پشتیان پێ نابەستێ، بەڵكو ئەوەندە ڕەزایان ناشیرین بووە، لە وڵاتانیش خەڵك خۆیان لێ ئەپارێزێ...

لە دوای جەنگی جیهانی دووەمەوە، چەند ملیۆنێكیان لە ئەڵمانیا ئەژین، هەیانە بە منداڵی هاتۆتە ئەوێ و ئێستاش ئەڵمانی فێرنەبووە، لێی بپرسە بۆ زمان فێرنەبووی؟

ئەڵێ، ئێمە خۆمان زۆرین و لەگەڵ یەك هەڵس و كەوت ئەكەین، پێویستیمان بە زمان و خەڵكی ئەڵمان نیە، ئنجا وەرە جیاوازی ئەو دەبەنگە لە ئەوڕۆدا و ئەو كۆمەڵە ئەكتەرە بەتوانایەی وەك شادیە و شویكار و هند رۆستم و مریم فخرالدین و لیلی فەوزی و لیلی تاهیر و مدیحە یسری نەكەی لە سەدەی ڕابردوو.