سینەما وەك ئامرازی پەروەردە

23/03/2021

لەنجە ئەحمەد
سینەماش ئامڕازێكیتری پەروەردە كردن و فێر بوونە. زۆرجار ڕۆڵی سینەما بەرامبەر ئەبێت بە ڕۆڵی دایك و باوك و خێزان و كۆمەڵگا. 
سینەمای جاران قوتابخانەیەك بوون بێ هاوتا. پەیامی گرنگ و جوان لە هەر فیڵمێكا ئاڕاستەی تاكەكان كراوە. ئەوەنەی كار لەسەر بنیاتنانی تاك و خودناسیی كردووە هێندە كاریان لەسەر سیناریۆی بەهێز و ئاكتینگ و دایرێكتینگ و كامێرا و سۆدیۆ نەكردووە  بۆ بەهێزكردنی فیڵمەكانیان .. هەر خۆی هەموو شتێكی چێژ بەخش و بەهێز و پڕ مانا بووە.

Coming to America 
لەدوو پاڕتی پڕ واتایا زۆر بە هێواشی پەنجە ئەخاتە سەر ئەو  بۆشاییانەی بە هۆی كلتور و كۆمەڵگاوە بۆمان دروستكراوە كە ئەبێ چۆن بژین و چی بخۆین و چی بپۆشین و چۆن داهاتوو و ژیانی خۆمان دیاری بكەین. كە تیایدا تاك هیچ ڕۆڵێكی نیە و تەنها جێبەجێ كارە ..ئەكییم كارەكتەری سەرەكی و شازادەی نازداری كۆشك دواجار كۆشكی شاهانە جێ ئەهێڵێ و ئەبێتە كارگوزارێك و بەردەوام ڕێستورانێك ئەسڕێتەوە تا ئەوكاتەی دڵی خۆشەویستە ڕاستەقینەی بۆخۆی ئەبات و بە ئاكییم وەك كارگوزارێك ڕازییە لەكاتێكا شازادەیە و لەبەرگی كارگوزارێكا خۆی پیشان ئەیات.دواتریش كێشەی میراتگری شازادە كە تەنها كوڕ ئەتوانێ ببێتە شا و كۆنتڕۆڵی وڵات بكات.

Keoma
لەنێوانی چوار برایا ئەم كوڕە هیندییەكەیە كە هەمیشە لای براكانی بێزراوە و بەتوانجەوە پێی ئەڵێن كوڕی هیندی... شەڕ و كۆنفڵێكتی كۆمەڵایەتی و چینایەتی باڵی بەسەر ناوچەكەیا كێشاوە و مانەوە تەنها بۆ بەهێزەكانە. ئەمێك كە فەرامۆشكراوە و تەنها لای باوكی جێی بایەخە، ناچارە خۆی پێ بگەیەنێ و پیشانی بات كە بەهێزە و ئەتوانێ بمێنێتەوە.لە كۆتا حیوارەكانی فیڵمەكەیا كیۆما ئەڵێ ئەو "پیاوێكی ئازادە پیاوە ئازادەكان نامرن" ئاماژەیەكی گرنگ و پەیامێكی  وریاكەرەوەیە بۆ كۆیلە و بەكرێگیراوەكان كەئەگەرچی وجودیان هەیە بەڵام لەڕاستیا ئەوان نین چونكە ئازاد نین لە هەر كارێكیانا.

نامەوێ سپۆیڵی فیڵمەكان بكەم.. من بێ ئەندازە چێژم لێ بینین. هیوادارم بۆ ئەوانەی بەهۆی ئەم نوسینەوە سەیری ئەكەن هەمان چێژی هەبێ.