ناتوانم بەبێ خۆشەویستی بژیم

06/04/2021

(ڤان كوخ)
لەعەرەبیەوە: هێمن مەحمود
"هەنگاوی یەكەم" تابلۆی دەستەڕاستی بینەر، (ڤان كوخ)ی گەورە نیگاركێشی هۆڵەندی لەیەنایەری 1890 لەنەخۆشخانەی دەروونی كێشاویەتی.

خێزانێكی بچوك، باوكەكە بەدانیشتانەوە لەباخچەی ماڵێكی لادێدا باوەشی بۆ كچە بچوكەكەی كردۆتەوە كەتازە پێی گرتووەو خەریكی یەكەم هەنگاو هەڵدەهێنێت.

دەموچاوی هیچ كامیان دەرنەكەوتوە، نەباوكەكەو نە مناڵەكەو نە دایكەكە، ڤان كوخ بەئانقەست روخساریانی دەرنەخستوە چونكە لەواقیعدا هیچ كامیان بوونیان نیە.
قەبارەی پیاوەكە هەر بەقەدەر قەبارەی خودی (ڤان كوخ)ەو (ڤان كوخ )یش هەمان كڵاوی لەسەر دەكرد.

هەموو هەوڵەكانی ڤان كوخ بۆ دروستكردنی خۆشەویستی و پێكهێنانی خێزانێك بەشكست كۆتایی هاتوەو چونكە نیوەی تەمەنی خۆی لەنەخۆشخانە دەروونیەكان بەسەر بردووە.
ڤان كوخ زۆر ئارەزووی دروستكردنی خۆشەویستیەكی دەكرد، بەڵام كەس بەدەمیەوە نەهات، نائومێد بوو لەدرووستكردنی خێزانێك و لەوەی خۆشەویستێكی هەبێت و لەوەی ببێتە باوك.

هەربۆیە تابلۆی ماڵێك و ژنێك و باوكێك كە باوەشی بۆ مناڵەكەی كردۆتە دەكێشێت بەهیوای ئەوەی ئەم قەدەرەی توشببێت كەچی توشی نەهات.

لەتابلۆی دووەم(دەستە چەپی بینەر) كەڤان كوخ لەمایۆی 1890چەند مانگێك دوای تابلۆی یەكەم كێشاویەتی، هەمان پیاو بەهەمان جلوبەرگەوە بەڵام بەسەرێكی كەچەڵەوە، دەگری و دەموچاوی خۆی دەڕنێت.

ڤان كوخ لەهەمان ساڵداو لەڕۆژی 27 یۆلیۆی 1890 فیشەكێكی بەخۆیەوەناو دوای دوو رۆژ مانەوە لەنەخۆشخانە گیانی لەدەستدا.