قەرزاری سۆرانی مام ئیسماعیلین!

08/04/2021

پشتیوان هەڵەبجەیی
ئێمە ئەگەر لەریگای ئەم بەرنامانەوە نەبێت چۆن باش و خراپ لێك جیابكەینەوە، چۆن لەشفرۆش و هونەرمەند جیاكەینەوە، چۆن تێبگەین، چۆن بزانین بەرپرسان خەریكی چین و سامانی نیشتیمانی و زەوی و شوقە و پارە و داهاتی گشتی لەپێناو گونیان تەخشان و پەخشان دەكەن. 

ئەبوو وەزارەتی ڕۆشنبیری سوپاس نامە بۆ ئەم كەناڵانە و بەرنامەكانیان بنوسێت، دەبوو بڵێت سوپاس ئێووە نەبان ئێمە چۆن ئاگاداری شەوی سوری بەرپرسان دەبووین چۆن لەوە ئاگادار ئەبووین كە ئەو هەموو كچە مۆدیلەیان كردووە بەخاوەنی ڕانجرۆڤەر و ڕۆس ڕایس و شوقە و ڤێلا و خاوەنی كار و سەرمایە و چی و چی.

ئێمە قەرزاری سۆرانی مام ئیسماعیلین، ئەو ئەوەی لەپشت بەرە بوو خستیە سەر بەڕە، پێی ڕاگەیاندین كە هەندێك لەكچەكان لەپێناو پۆزلێدان و سناپی ناو ڕانجرۆڤەر ئامادەن ببن بەلەشفرۆش و زیاتریش.!

 سۆران ئەوەی بۆ ئێمە گواستەوە كە دونیای سەرمایەداری هیچ نرخێك بۆ مرۆڤ ناهێڵێتەوە، ئەو بەئاشكراو بەڕونی لەكچەكان دەپرسێت تۆ شەوت بەچەندە سەعاتت بەچەندە، ئەوانیش بەڕونی باسی نرخی ناوگەڵ و سێكس و باوەشی سیاسیەكان دەكەن. ئەو سیاسیانەی بەحساب لەشاخ لەشاخ دەهاتنەوە و لەشفرۆشەكانیان دەكوشت.