ئیخوانیزم كەوتۆتە جوڵە

ئارام حاجی عەتا
ئیخوانیزم وەک گای هار کەوتۆتە جوڵە  چونکە دەزانێت شۆڕشی ئینتیماو ئازادی سەر ڕێکەوتووە،  دەیەوێت ڕاسپاردە خاک و خەڵک فرۆشییەکەی جێبەجێبکات و بانگەوازی بە ئیخوانیبوون بکاتە باری سەرباری پرسی نەتەوەیی و نیشتمانیمان.  
گەلۆ ئەم کرمی دارە دواجار لەگەورەبوونیدا جگەلە داعش و قاعیدەو تاڵیبان زیاتر هیچی تری لێدەرناچێت و  گەورەبوونیشی لەسەر بنەمای وێرانکردنی پرسی نەتەوەیی و نیشتمانیمانە. 
کەی تێدەگەن؟؟؟ 
کەی بەهۆش خۆتاندا دێنەوە؟؟؟ 
کەی بڕیاری لە ڕیشەوە هەڵکێشانی ئەم ئیرتیزاقە ئەدەن؟ 
کەی بڕیار لە وەرچەرخانی نوکی ڕمی نەتەوەیی و نیشتمانی دەدەن بەرەو سنگی دوژمنان؟؟؟
ئێمە تا هەنووکە نەبوینەتە خاوەن پارادایمێکی ڕاستەقینەی ڕێبەرو خاوەندار بۆ پرسی نەتەوەیی و نیشتمانی و دادپەروەرو یەکسان و ئازادیخواز تا حوکم لە شکستی بدەین و ئاینی سیاسی بە چارەسەر بزانین!!!!
بگەڕێ و بپرسەو بنواڕە ئەو مۆدێلەی کە پێویستمانە لەکوێیەو چۆن جێدەکەوێت؟! 
لەخۆتەوە بڕیار مەدە، تەسلیمی ئەم بانگەواز یا ئەویتر مەبە! 
هۆشت بخەرەکار و لەوێوە حوکم و بڕیارت بدە.