ما دەم نەھاتیە داب و نەریت بھێنە گوھارتن!

14/04/2021

ھیڤی بەرواری
ئەز بەحسا ھەمی داب و نەریتان ناكەم، بتنێ ئەوێن گرێدان ب چارەنڤیسێ ھندەك كەسێن دیڤە ھەی، وەك ژن بەدەلانێ و باش بوو نەمای و دیسان گەلەك دیاردێن دی ژی، ئەز دێ بەحسا وەسیەتێ كەم، دەما ئەو وەسیەتە كارتێكرنێ ل چارەنڤیسێ ھندەكێن دی بكەت، وەك ئەڤا ب سەرێ من ھاتی.

 ل سالا ١٩٩٦ێ دایکا من یا دوو گیان بوو و ئەو شەش هەیڤ بۆ ئەز د زکی وێدا. بابی من هەمی دەم ل دایکا من ددا و ئەگەر ژی دابیرا من یا کورد بوو، گەلەک جاران دگوتە بابێ من، ڤێ عەرەبێ بەردە و من ئێکا کورد یا بۆ تە دیتی و گەلەك ئارێشە پەیدا دکرن، دگوتە  بابێ من سارایێ فلان ئارێشە یا کری و بابێ من گەلەك ژ دایکا من تورە  د بوو.

 دايكا من يا بدووگیان، ڤرێكرنه مالا بابێ وێ  و داپیرا  من يا عەرەب دايكا من هێلا دەف خوو، ھەتا ئەز ئینایمە هەبوونێ و ئەم ماینە ل دەف دابیرا خو، هەتا ئەز بویما دوو سالی و دیفدا خەبەرەک گەهشت كو داپیرا من یا کورد مریە. بابێ من هاتە بەغدا ئەم برینە دەف خو دایکا من، گوت چەند دابیرا تە دگوت بوچی زەلامی تە تو هاڤێتیە دەرێ، گوت من چ جارەکێ نەگوتێ خەسیا من ئارێشە یێن درست کرین.
 دایکا من گوت ئەز شیام بابێ تە بهێلم، بەلێ من دڤیا لسەر وەسیەتیا  بابێ خو بمینم، چونکی بابێ من و خەزویری من گەلەک دوستێن ئیک بوون و ل شەرێ دژی ئیرانێ خەزیرێ من بۆ ئەگەر بابی من بمینتە ساخ، دیفدا بابێ من گوتە خەزیرێ من، ئەم دی خزمانیەكێ دگەل ئێك کەین.
 ئەز هێژ نزانم بوچی وەسیەت هوسا گرنگن و ژبەر ڤان وەسیەتا، ئەم خێزانەك ببینە قوربانی ئاخفتنا مەزنا و لسەر ڤان وەسیەتا، كچەك ببیتە ژن و ئەو ژن بدەستێن هندەكێن دی بهێتە ئێشاندن و ببیتە قوربانی هەڤالینیا دوو بابا. ئەرێ ما وەسیەت هندە مەزنە كو رەوشا خێزانا بكەڤتینە بن گڤاشتنێن نەخوش و نەهێنە ئێكلاكرن ژبەر وان وەسیەتا!!