ئەو كچا ل یانێن شەڤان چەندین جار دەستدرێژیا سكسی ل سەر ھاتیەكرن و ئاگەھ ژخوەنە!

19/04/2021

د. دیلمان ئازاد
پولیسان كچەك ئینانە دادوەریا نوژداری، تا پشكنینا كچینیێ بۆ بكەین، د یانەكا شەڤان دا كاردكر، كو پولیس ھاتنە ئاگەھداركرن كو كارێ لەشفروشیێ تێدا دھێتە كرن!
ڤێ كچێ چیرۆكا ژیانا خوە بڤی جوری بەحس كر:
"تەمەنێ من 15 سالە، دایك و بابێن من ژ ئەگەرێ كێشەكا خێزانێ ژ ئێك جودابوون و ھەر ئێكی بەرپرساتیا ژانا خوە ھەلگرت و كەسێ ئەز دگەل خوە نەبرم".
رۆژەك ژ رۆژان ھەڤالەكێ ڤێ كچێ وەك فریادرەسەك خوە پیشانددەت و دبێژیت، من رێكە چارەیەك بۆ تە ھەیە.
"گوتی وەرە یانا شەڤان كاری بكە كو ئەز یێ لێ، تە كێشا جھی و ڤەحەوھانێ نامینیت و دێ موچەكێ باش ژی وەرگری!"، ڤێ كچا ھاتیە سەردابرن ھوسا گوت!
نوكە دەركەفتیە كو خودانێ یانا شەڤێ، ڤێ كچێ ب دەرمانان بێھوش دكەت و كارێ سكس فروشیێ پێدكەت، ددەمەكیدا ڤێ كچێ تەمەنێ یاسایێ یێ پێگەھشتنێ تەمام نەكریە و تەمەنێ وێ دبن ھەژدە سالیێ دایە!
كەسێن دبن تەمەنێ 18 سالیێ دا ژ روویێ یاسایی ڤە، ئەگەر پەیوەندیا سكسی ب حەزا وان ژی بیت، دێ ھەر ب دەست درێژیا سكسی ھێتە ل قەلەمدان و تاوانە، ڤێجا ب بێ رازەمەندی و ئاگەھـ ژخوە نەبوون ب بكارئینانا ماددێن ھوشبەر!
لڤێرە كومەلگەھـ و خێزان دڤێت بزانن ھەلوەشیانا خێزانێ چ كارەساتەكێ بۆ زارۆك و سنێلێن وان خێزانان و دبیت ژیانا وان بھێتە وێران كرن.
 دیسا ھەڤالێ خراب دشێت ئایندێ زارۆكی و سنلان بڤی رەنگێ كارەسات تێكبدەت و بۆ كارێ نەجھێ خوەدا راكێشیت.
بازرگانێن سكسفروشیی و لەشفروشیێ ژی خوە ژ فروشتنا ھەست و جەستەی نادەنە پاش، خوە ئەگەر زارۆك و سنێلە ژی بن ژ بۆ پەیداكرنا پارەكێ زێدەتر!
جھێ خوەیە كو جڤاكناس و دەرووناس ب رژدی ڤێ حالەتی وەربگرن و رێنماییا دەزگەھێن تایبەتمەند و خزێزانێ و تاكان بكەن، تا وەكو ئەڤ حالەتێن ھەنێ نەبنە چیرۆكا ژیانا كەسێن دی، بەركو دبیت ھەر ئەڤ زارۆك و سنێلە باش بھێنە ئاراستەكرن و تاكێن باش ژێ دەركەڤن بۆ خێزانێ و كومەلگەھی و نیشتیمانی.
د. دیلمان ئازاد خۆشناو
پسپۆرا نوژداریا دادوەری
مامۆستا لە کۆلیژا نوژداری