کاتب و کادر

19/04/2021

كەریم حەسەن
هێشتا دلسوزێن ڤان پارتێن سیاسی کادر و کاتبان ژ ئێک جوداناکەن و تایبەت نمونا ڤان کریارێن جودا ل ناڤا پارتێن سیاسیێن کوردستانێ زورن. سەرەرای نەرازیبوونا زوربەیا خەلکێ ژ وان کاتبێن ناسناڤێ کادریێ وەرگرتی. دێ بتنێ رۆژانە وەک فەرمانبەرەک کاری کەت و دەمێ خوە بورینیت و سەرێ هەیڤی ژی موچێ خو وەردگریت، تایبەت ئەو پارتێن د دەستهەلاتێ دا و جەماوەر دگەل وان دڤێت هەلبژارتنا کادرێن خودا زور شارەزا بن، مرۆڤکانێ و بەرژەوەندی و بازنەیان بهێلن، داکو سیاسەتا ئەو پێ رابوین، بهێت رێڤەبرن و بگەهیت ئەنجامی...!

كەساتییا كادری بۆ ھەر پارتەكێ گەلەك گرنگە، ئەو روویێ پارتێ یە دی بازبنێ ئەو تێدا و دناڤ شورەشێن كوردی ژی دا وەسا ھەبوو، ئالیێ سەربازی ھەبوو و پێشمەرگە بوون و ئالیێ سیاسی ھەبوو و كادر ھەبوون، كادر بۆ دشیا ھەستا نەتەوەی دناڤ خەلكی دا بەرز بكەت و ھەر كادر بۆ دەما خەلكی قەستا پێشمەرگەبوونێ دكر، وی برێكێن زانستیانە ھەستا كوردینیێ لدەف وی زێدەدكر.
كادر ژی نە بتنێ بۆ ناڤ پارتێن سیاسی گرنگن، بەلكو كادرێ زیرەك دشێت ل ھەمی بیاڤەكی رولێ خوە بگێریت وەك رێكسختنا حزبی بیت یان رێكخراوا مەدەنی بیت و ئەڤە نە بتنێ نازناڤە دێ بھندەك كەسان ھێتە بەخشین، بەلكو رێڤەبەری و كاریزما سەركردایەتی ژێ دڤێت، لڤێرە ژی گرنگە دەما حزب یان رێكخراوێن مەدەنێ كادرێن خوە دەست نیشان بكەن ڤێ جوداھیێ بكەن دناڤبەرا (كادر و كاتب) دا.

ل سەر ئەڤێن نازناڤێ كادریێ پێھاتیە بەخشین ژی ڤێ جوداھیێ بكەن و ھەست ب وێ چەندێ بكەن كو نابیت ڤێ بەرپرساتیێ راكەن و پارتا خوە توشی گرفتان بكەن.