كوشتن یا دبیتە دیاردە و كا چارەسەری؟!!

20/04/2021

سوزان عەبدولھادی نەفروز
وەکی یا دیار د سۆشیال میدیایێ دا، دیاردا کوشتنێ رۆژ ب رۆژ بەرەڤ زێدە بوونێ دچیتن و بتنێ بۆ چەند رۆژەکان دبیتە بابەتێ میدیایێ و كەنالێن راگەھاندنێ. ئەز یاسایێ ل کوردستانێ گەلەک لاواز دبینم، ژن مێری دکوژیت و برا خویشکێ دکوژیت و مێر ژنێ دکوژیت!
پڕسیار لڤێرێ، ئەڤ خەلكە ئەڤی چەکی ژ کیڤە دئینن؟ بۆچی دیڤ چوون لسەر جهێن چەک فرۆشیێ ناهێتە کرن ؟ ئەڤرۆ زارۆکەک دشێت چەکی بکریت و بکار بینیت و یا بوویە تشتەکێ زۆر سادە. وەکی ئەز دزانم دەستویریا چەکی بو بەرگری کرن ژ مللەتی بتنێ یا درستە، ئەو ژی نە بۆ هەمی کەس و هەمی تەمەنا، وەکی دی دچیتە د قالبێ تاوانێدا، لێ بۆچی سزایەکێ تۆند بۆ ڤان تاوانبارا نینە و هەر تاوانا تێتە ئەنجام دان رۆژێن دویڤدا دێ بینی تاوانبار هاتە بکۆژمەکێ پارەیی ئازاد کرن یان چەند سالەکا هاتە زیندانکرن.

یا فەرە هزر د زارۆک و سنێلەیان دا بهێتە کرن، ئەڤ دیمەنە یێن کەڤنە بەرچاڤێن سنێلە و زارۆکا.
 یا من دڤێت بێژم، ئەڤە دێ بیتە خراب ترین و مەترسیدارترین ئایندە بۆ جڤاکی و مللەتی، دڤێت حكومەت بزیترین دەم چارەسەریەکێ ببینیت و زەختەکێ دانتە سەر ڤان کەنالا و تۆرێن جڤاکی و سزایەکێ تۆند دانیتە سەر تاوانباران و دڤێت سزایێ کوشتنێ هند سڤک نەبیت، دا ئەڤ دیاردە نە مینیت.