لبەر گەفێن ماددێن ھوشبەر

دلگەش شوكری نێروەی
دەما ئەم بەحسا مادێن ھوشبەر دكەین، ئەم یێ بەحسا پێلەكا نەخوشیێ ب جورەكێ دی دكەین، رەنگە مرۆڤ بخوە ب بەرڤە بچیت و دبیت مرۆڤ بھێتە توشكرن ژی، لێ ئایا پرسیار، مەترسییا ماددێن ھوشبەر ل ھەرێما كوردستانێ ھەیە، دبیت گەلەك بابەتی ب سڤكی وەربگرن، لێ بەلێ ئەڤ مەترسیە یا ھەی و ھەر چەند رۆژان دەزگەھێن راگەھاندنێ بلاڤدكەن كو ژلایێ ھێزژێن ئاسایشێ ڤە چەند كیلو ھاتنە دەستەسەركرن!!
كێشا ماددێن ھوشبەر نەكێشەكە بتنێ ل وەلاتێن دەوروبەر ھەیە، بەلكو كێشەكا جیھانییە و تا نوكە كوردستان یا ژێ پاراستییە، لێ ئایا ھەتا كەنگی دێ یا پاراستی بیت، ئەگەر بەراوردیەكێ بكەین، عیراقەكا ڤالا ژ مادێن ھوشبەر نوكە یا ھەرەشێ ل چەندین پارێزگەھێن وێ دكەت و تایبەت ژی ل باژێرێن ناڤەراست و باشوور.

ئەم چبكەین بۆ خوە پاراستنێ
دڤێت بەردەوام مە ئاگەھـ ژ زارۆك و سنێلە و گەنجان ھەبیت، لدوور مەترسییا بكارئینانا ماددێت بێھوشكەر و دڤێت بەردەوام گوھدارییا زارۆكان بكەین، دەما ئەم دبینین كو گوشارا كەسێن دی ل سەر وان ھەیە و خالا گرنگ ژی دڤێت پەیوەندییا دەیك و بابان دگەل زارۆكێن وان گەلەك یا بھێز بیت و ئاگەھـ ژ ھەمی رەفتارێن وان ھەبیت.

دێ چاوان ھەست ب مەترسیێ كەی
ھەردەما مە دیت گوھورین لب سەر رەفتارێن زاروكان دھەمی قوناغێن تەمەنیدا ھاتن، یان شێوازێ خارنێ یان نڤستن و تا ل بەركرنا جل و بەرگان یان رەفتارێن وان و نە بەرپرساتی كو نەشێت بریارا دروست بدەت. دبیت ئەڤە بەشەكێ ھوشدارییا بن ل سەر بكارئینانا ڤی ماددەی و نابیت ب سڤكی بھێنە وەرگرتن.
یا مای بێژین، ماددێن بێھوشكەر گەفەكن و دڤێت بھەمی رەنگان بەرسینگا وان بگرین.